រដ្ឋបាលរាជធានីបន្តស្ថាបនាផ្លូវបេតុង២ខ្សែ ជូនប្រជាពលរដ្ឋសង្កាត់ស្នោរ និងសង្កាត់ឪឡោកក្នុងខណ្ឌកំបូលទោះបីក្នុងកាលះទេសះកូវីដ១៩ក្ដី
ភ្នំពេញ៖កាលពី ទី១៥ ខែមីនា ឆ្នាំ២០២១ លោក ឃឹម ស៊ុនសូដា អភិបាលខណ្ឌកំបូល រួមជាមួយលោកសេង គន្ធ អភិបាលរងខណ្ឌ បានដឹកនាំមន្ត្រីការិយាល័យសាធារណៈការខណ្ឌ លោកចៅសង្កាត់ស្នោរ លោកចៅសង្កាត់ឪឡោក រួមជាមួយលោក លោកស្រីប្រធានភូមិពាក់ព័ន្ធ បានចុះពិនិត្យសកម្មភាពការដ្ឋាន។
មន្ត្រីរដ្ឋបាលខណ្ឌបានឱ្យដឹងថា៖ការស្ថានបនាផ្លូវទាំង២ខ្សែនេះខ្សែទី១.ស្ថាបនាពង្រីកផ្លូវបេតុងទំហំ២ម៉ែត្រសង្ខាងប្រវ៉ែង ៣,២៨៥ម៉ែត្រ កម្រាស់០,១៥ ម៉ែត្រ ចាប់ពីចំនុចមុខវត្តភ្នៀតសិម្ពលី ដល់រង្វង់មូលក្រមង៉ុយហើយខ្សែទី២ ស្ថាបនាផ្លូវបេតុងឆ្អឹងដែកទំហំ១០ម៉ែត្រ គុណ ៣៩៦៦ ម៉ែត្រ ចាប់ពីចំណុចផ្លូវកែងភូមិត្រពាំងពោធិ៍ សង្កាត់ឪឡោក ខណ្ឌកំបូល ដល់ព្រំប្រទល់ភូមិត្រពាំងអណ្តូង ឃុំសំរោងលើ ស្រុកអង្គស្នួល ខេត្តកណ្តាល។
លោកអភិបាលខណ្ឌកំបូលលើកឡើងថា៖សមិទ្ធិផលខាងលើនេះ គឺជាអំណោយដ៏ថ្លៃថ្លារបស់លោក ឃួង ស្រេង អភិបាលរាជធានីភ្នំពេញ សម្រាប់បងប្អូនប្រជាពលរដ្ឋសង្កាត់ស្នោរនិងសង្កាត់ឪឡោកសម្រាប់សាធារណៈជនធ្វើដំណើរឆ្លងកាត់ និងដឹកជញ្ជូនផ្សេងៗ ស្របតាមការអភិវឌ្ឍរីកចម្រើននៃសង្គមជាតិក្រោមការដឹកនាំប្រកបដោយគតិបណ្ឌិតដ៏ខ្ពង់ខ្ពស់ និងវៀងវៃបំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕