វ៉ាក់សាំងការពារមេរោគកូវីដ១៩ ចំនួន ១លាន ៥សែនដូសទៀត នឹងមកដល់កម្ពុជា, លោកជំទាវ ឱ វណ្ណឌីន ជាអ្នកចាត់ចែង
ភ្នំពេញ៖ ប្រមុខរាជរដ្ឋាភិបាលកម្ពុជាសម្ដេចតេជោ ហ៊ុន សែន បានបញ្ជាក់ថា នៅពេលខាងមុខនេះ វ៉ាក់សាំងចំនួន ១លាន ៥០ម៉ឺនដូស នឹងមកដល់កម្ពុជាបន្ថែមទៀត ។
សម្តេចតេជោ ប្រកាសថាវ៉ាក់សាំងការពារមេរោគកូវីដ១៩ ចំនួន ១លាន ៥សែនដូសទៀត នឹងមកដល់កម្ពុជានាពេលឆាប់ៗខាងមុខនេះ និងជាបន្តបន្ទាប់ក៏នឹងមានវ៉ាក់សាំងSinovac ១លាន៥សែនដូសមកដល់ ខណៈវ៉ាក់សាំងSinopharm និងAstraZeneca ក៏មកជាបន្តបន្ទាប់ទៀតដែរ ហើយកម្ពុជាក៏កំពុងស្វះស្វែងរកទិញវ៉ាក់សាំង Johnson and Johnson របស់អាមេរិកផងដែរ ហើយកិច្ចការងារនេះ គឺផ្តល់ជូនលោកជំទាវ ឱ វណ្ណឌីន ជាអ្នកចាត់ចែងដាច់តែម្តង។
សារសំឡេង សម្តេចតេជោ ហ៊ុន សែន ថ្លែងនៅយប់ថ្ងៃទី ១៦ ខែមីនា ឆ្នាំ ២០២១ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានសម្រេចតែងតាំង លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល ជាប្រធានគណៈកម្មការចំពោះកិច្ច ទទួលបន្ទុកដឹកនាំការចាក់វ៉ាក់សាំងក្នុងក្របខណ្ឌទូទាំងប្រទេស៕
