គណៈវិនិច្ឆ័យ មន្ត្រីបច្ចេកទេស និងកីឡាករប្រដាល់គុនខ្មែរនៅស្ថានីយ៍ទូរទស្សន៍ថោនកំពុងយកសំណាក និងធ្វើចត្តាឡីស័ក
ភ្នំពេញ៖លោក តែម ម៉ឺន ប្រធានសហព័ន្ធកីឡាប្រដាល់គុនខ្មែរបានមានប្រសាសន៍មន្ត្រីស្នងការ គណៈវិនិច្ឆ័យ និងកីឡាករប្រដាល់គុនខ្មែរទាំងអស់ចូលរួមការប្រកួតនៅស្ថានីយ៍ទូរទស្សន៍ថោន កាលពីថ្ងៃអាទិត្យទី១៤ ខែមីនា ឆ្នាំ២០២១ ត្រូវទៅយកសំណាក និងធ្វើចត្តាឡីស័កជាបន្ទាន់ ក្រោយររឃើញ លោក ហាក់ សុខហេង អ្នកគ្រប់គ្រងការផ្សាយរបស់ទូរទស្សន៍ថោន។
លោកលោក តែម ម៉ឺន បានបន្តថា សូមជម្រាបជូនដំណឹងដល់មន្ត្រី ក្រុមការងារ និងកីឡាករប្រដាល់ល់គុនខ្មែរទាំងអស់ដែលបម្រើការងារ និងប្រកួតកាលពីថ្ងៃអាទិត្យទី១៤ ខែមីនា ឆ្នាំ២០២១នៅស្ថានីយ៍ថោន ដោយមានបញ្ហាពាក់ព័ន្ធដូចសេចក្តីជូនដំណឹងខាងលើ ដូច្នេះមន្ត្រី ក្រុមការងារ និងកីឡាករទាំងអស់ដូចខាងលើ ត្រូវទៅយកសំណាក និងធ្វើចត្តាឡីស័កជាបន្ទាន់ តាមទីកន្លែងណាដែលអាចធ្វើបាន និងរហ័សបំផុត រួចរាយការណ៍តាមប្រព័ន្ធតេឡេក្រាមជាឯកសារភ្លាមៗ មកស្នងការ និងគណៈវិនិច្ឆ័យ ទាំងពេលយកសំណាក ទាំងការធ្វើចត្តាឡីស័ក និងការទទួលបានលទ្ធផលនៃការពិនិត្យសំណាកទាំងពីរលើក ក៏ដូចជាការបញ្ចប់នៃការធ្វើចត្តាឡីស័ក១៤ថ្ងៃផងដែរ ។
លោកបានអះអាងថា ពេលទទួលបានសារនេះហើយ សូមអ្នកទាំអស់គ្នាខាងលើត្រូវអនុវត្តបន្ទាន់ ហើយបើបុគ្គលណា ដែលមិនគោរពតាមវិធានការខាងលើនេះទេ សហព័ន្ធនឹងមានវិធានការរដ្ខបាល តាមផ្លូវច្បាប់របស់សហព័ន្ធ និងរបស់រដ្ឋជាមិនខាន សូមជូនពរឲ្យក្រុមការងារយើងទាំងអស់ចៀសផុតពីមេរោគCovid-19 ដ៏កាចសាហាវនេះ។
លោកប្រធានបន្ថែមទៀតថា ការប្រកួតនៅស្ថានីយ៍ទូរទស្សន៍ថោននឹងចាប់ផ្តើមឡើងវិញនៅសប្តាហ៍ទី ៣ ត្រូវថ្ងៃអាទិត្យទី ២១ ខែ មិនា ឆ្នាំ ២០២១ បន្ទាប់ពីសហព័ន្ធ និងស្ថានីយ៍ពិភាក្សាជាមួយគ្នាក្រោយពីស្នងការ និងមន្ត្រី បច្ចេកទេសសំណាក និងធ្វើចត្តាឡីស័ករយៈពេល១៤ថ្ងៃតាមការណែនាំរបស់ក្រសួងសុខាភិបាលដើម្បីប្រយុទ្ធប្រឆាំងនឹងមេរោគ Covid-19៕
