គ្រាន់តែគេសុបិន្តថា គេដេកជាមួយប្រពន្ធខ្លួន យកកាំបិតកាប់ជនរងគ្រោះស្លាប់ក្នុងថ្លុកឈាម
ខេត្តកំពង់ស្ពឺ ៖ គរបាលស្រុកសំរោងទង ខេត្តកំពង់ស្ពឺ បានឃាត់ខ្លួនជនដៃដល់ម្នាក់នោះ បន្ទាប់ជនគាត់បានដេកសុបិន្ត ថាមានគេដេកជាមួយប្រពន្ធបស់ខ្លួន ក៏បានទាញកាំបិតផ្ទាក់យកទៅកាប់ជនរងគ្រោះបណ្តាលឲ្យស្លាប់ នៅថ្ងៃទី១៦ ខែមីនា ឆ្នាំ២០២១ វេលាម៉ោង ១៤ និង ៤០នាទី កម្លាំងព្រហ្មទណ្ឌស្រុក សហការជាមួយកម្លាំងប៉ុស្ដិ៍ព្នាយ បានឃាត់ខ្លួនឈ្មោះ ម៉ៃ សៅគៀង ភេទប្រុស អាយុ ២៧ឆ្នាំរស់នៅភូមិគោកមានជ័យ ឃុំព្នាយ ស្រុកសំរោងទង ខេត្តកំពង់ស្ពឺ។
លោក ឃុត សុផលអធិការស្រុកសំរោងទង បានឲ្យដឹងថា ពាក់ព័ន្ធករណីឃាតកម្មដោយចេតនានេះ ដោយបានធ្វើសកម្មភាព យកកាំបិតផ្គាក់ កាប់ទៅលើឈ្មោះ សែម ភា ហៅវ៉េវ ភេទប្រុស អាយុ ២១ឆ្នាំ រស់នៅភូមិជាមួយគ្នាចំនួន ៤កាំបិត ចំក្បាលលើត្រជៀក ខាងស្ដាំ១កាំបិត កញ្ចឹងក ២កាំបិតសងខាង កែងដៃខាងស្ដាំ ១កាំបិត បណ្ដាលឲ្យស្លាប់ នៅនឹងកន្លែងកើតហេតុនៅខាងក្រោយផ្ទះជនរងគ្រោះ ខណ:ពេលជនរងគ្រោះកំពុងអង្គុយចិតផ្លែស្វាយ កាលពីវេលាម៉ោង ១៤ និង ១៥នាទី នាថ្ងៃខែខាងលើ ។
នៅពេលឃាត់ខ្លួនជនល្មើសបាននគរបាលថា មូលហេតុដែលខ្លួនគាត់កាប់ព្រោះស្រមើស្រម៉ៃថា ជនរងគ្រោះ(សុបិន្ត)ថាបុគ្គលនោះ ដេកជាមួយប្រពន្ធរបស់ខ្លួន។ ករណីខាងលើ ជំនាញបាន កសាងសំណុំរឿងចាត់ការបញ្ជូនទៅកាន់តុលាការ ចាត់ការតាមនីតិវិធីច្បាប់ ៕