ប្រមូលផ្ដុំគ្នាទិញ លក់ ជក់គ្រឿងញៀនក្នុងក្លឹបស្កាយឡាញយ៉ាងគគ្រើងគគ្រេងប៉ូលីសឃាត់ខ្លួនជនបរទេសប្រុសស្រី៥៣នាក់
ក្រុងព្រះសីហនុ ៖ ជនជាតិចិនប្រុស ស្រី ចំនួន៥៣នាក់ត្រូវបានសមត្ថកិច្ចប៉ូលីសក្រុងព្រះសីហនុធ្វើការឃាត់ខ្លួន ខណៈដែលពួកគេកំពុងប្រមូលផ្ដុំគ្នាទិញ លក់ ជក់គ្រឿងញៀនយ៉ាងអាណាធិបតេយ្យនៅក្នុងក្លឹបស្លាយឡាញកាលពីវេលាម៉ោង២ ឈានចូលថ្ងៃទី១៦ ឧសភា ២០១៨។
កិច្ចប្រតិបត្តការនោះដឹកនាំផ្ទាល់ដោយ លោក លឹម ប៊ុនហេង ព្រះរាជ្ញរងអម សាលាដំបូងខេត្តព្រះសីហនុ ដែលមានការិយាល័យប្រឆាំងគ្រឿងជាម្ចាស់ករណី បានធ្វើការបង្កាបជាក់ស្តែងនៅក្នុងក្លឹបស្កាយឡាញ ស្ថិតនៅសង្កាត់៤ ក្រុងខេត្តព្រះសីហនុ នេះ ។
ជាលទ្ធផល បានធ្វើការឃាត់បណ្តោះអាសន្នជនសង្ស័យចំនួន៥៣ នាក់ ស្រី៧ នាក់ ក្នុងនោះ ជនជាតិចិន១០ នាក់ ឥណ្ឌូនេសុី១៧ នាក់ កូរ៉េ២ នាក់ និង ជនជាតិខ្មែរចំនួន២៤ នាក់ ព្រមទាំងដកហូតបានថ្នាំញៀន និង សម្ភារសម្រាប់ ប្រើប្រាស់គ្រឿងញៀនមួយចំនួន ។
សម្ថកិច្ចនគរបាលការិយាល័យប្រឆាំងគ្រឿងញៀន ខេត្តព្រះសីហនុ បានឲ្យដឹងថា នេះជាយុទ្ធនាការឆ្មក់បង្ក្រាបទីតាំង ចែកចាយ និង ប្រេីប្រាស់ថ្នាំញៀន ទ្រង់ទ្រាយដ៏ធំមួយ ដែលមិនធ្លាប់មានក្នុងរង្គសាលស្កាយឡាញ(បាឌីស្កូ) នាក្រុងព្រះសីហនុ ។
ការឃាត់ខ្លូនមនុស្ស៥៣ នាក់ នោះ ភាគច្រើនជាបុគ្គលិកបំរេីការងារក្នុងកាស៊ីណូហ្គោដិនស៊ី និង តុងហ្វាងមិនជូ ព្រមទាំងពលរដ្ឋខ្មែរ ចំនួន២៤នាក់ដែលចូលទៅលេង ។ វត្ថុតាងចាប់យកថ្នាំញៀន ខេតាមីន និង អិចស្តាស៊ី ចំនួន២៦កញ្ចប់ ដបថ្នាំញៀនសម្រាប់លាយជាមួយទឹក៤ដប ។ ក្រោយពេលឃាត់មនុស្សរាប់សិបនាក់ខាងលើនេះ សមត្តកិច្ចនគរបាលជំនាញបានធ្វេីតេស្ដ មនុស្សទាំងអស់សុទ្ធតែមានផ្ទុកសារធាតុថ្នាំញៀន ។
ក្នុងនោះដែរមានមនុស្សមួយចំនួនដែលបានកំពុងប្រេីប្រាស់ ហើយត្រូវបានកម្លាំងសមត្តកិច្ចចាប់ជាក់ស្តែងតែម្តង ។ បុរសម្នាក់ក្នុងចំណោម មនុស្ស៥៣នាក់ បានរាយការណ៍ប្រាប់សមត្ថកិច្ចថា ថ្នាំញៀនទាំងអស់ដែលពួកគេបានយកមកប្រើប្រាស់នេះ គឺទិញនៅក្នុងរង្គសាលនោះតែម្តង ។
មនុស្សទាំង៥៣ នាក់នោះសមត្តកិច្ចកំពុងធ្វើការសាកសួរ ដើម្បីរកបទល្មើពាក់ពន្ធគ្រឿងញៀន សម្រាប់កសាងសំណុំរឿងបញ្ជូនទៅកាន់សាលាដំបូងខេត្តសម្រេចតាមច្បាប់ ៕
