យកថ្ងៃខួបកំណើតរបស់ខ្លួនលោកអភិបាលខណ្ឌពោធិ៍សែនជ័យ នាំយកអំណោយចែកជូនពលរដ្ឋ៤៥គ្រួសារ
/wp-content/uploads/2018/08/FB_IMG_1534566432876.jpg” alt=”” width=”960″ height=”720″ class=”alignnone size-full wp-image-19398″ />
ភ្នំពេញ ៖យកថ្ងៃទី១៧ខែសីហាឆ្នាំ២០១៨ ដែលជាថ្ងៃខួបកំណើតរបស់លោក ហែម ដារិទ្ធិ អភិបាលខណ្ឌពោធិសែនជ័យ និងជាប្រធានកិត្តយសអនុសាខាកាកបាទក្រហមកម្ពុជាខណ្ឌដែលមាន អាយុគម្រប់៤៥ឆ្នាំឈានចូល៤៦ឆ្នាំនោះលោកនិងលោកស្រីបានអញ្ជើញ ចុះសាកសួរសុខទុក្ខនិងនាំយកអំណោយមួយចំនួនទៅចែកជូនប្រជាពលរដ្ឋក្រីក្រចំនួន៤៥គ្រួសារ ដែលរស់នៅក្នុងសង្កាត់កាកាបទី១និងសង្កាត់កាកាបទី២ ខណ្ឌពោធិ៍សែនជ័យក្នុងថ្ងៃខួបកំណើតនេះតែម្ដង។
ក្នុងឱកាសនោះក៏មានការចូលរួមពី លោកស្រី អ៊ឹម ថាវី ប្រធានអនុសាខាកាកបាទក្រហមបាន លោកចៅសង្កាត់ លោកមេភូមិ ចុះជួបសួរសុខទុក្ខ និងនាំយកអំណោយកាកបាទក្រហមកម្ពុជាទៅជួយឧបត្ថម្ភថែមទៀតផង។
លោក ហែម ដារិទ្ធិ អភិបាលខណ្ឌបានឲ្យដឹងថា៖ថ្ងៃនេះរូបលោកនិងក្រុមការងារបាមចុះជួបសួរសុខទុក្ខ និងនាំយកអំណោយកាកបាទក្រហមកម្ពុជាមកឧបត្ថម្ភប្រជាពលរដ្ឋក្រីក្រដែលរស់នៅសង្កាត់កាកាបទី១និងសង្កាត់កាកាបទី២ចំនួន៤៥គ្រួសារកំពុងជួបការលំបាក ផងហើយក៏ត្រូវនិងថ្ងៃខួបកំណើតរបស់លោកផងដែលជារៀងរាល់ឆ្នាំនៅថ្ងៃកណើតរបស់លោក លោក តែងតែចែកជូននូវអំណោយមួយដល់គ្រួសារក្រីក្រទៅតាមអាយុរបស់លោក ដល់ប្រជាពលរដ្ឋរងគ្រោះផ្សេងៗ។
ក្នុងនោះពាក់ព័ន្ធទៅនឹងកិច្ចអភិវឌ្ឍន៍មូលដ្ឋានវិញលោកអភិបាលខណ្ឌបានលើកឡើងថា៖កន្លងមកអាជ្ញាធរ គ្រប់លំដាប់ថ្នាក់ ក្រោមការដឹកនាំរបស់សម្តេចតេជោហ៊ុន សែន នាយករដ្ឋមន្ត្រី និងសម្តេចកិត្តិបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ទើបមានការរីកចំរើន គ្រប់វិស័យ ជាពិសេសលើហេដ្ឋារចនាសម្ព័ន្ធដែលឈានទៅដល់កាត់បន្ថយនូវភាពក្រីក្ររបស់ពលរដ្ឋ ។
ក្នុងឱកាសនោះដែរ លោកអភិបាលបានឆ្លៀតថ្លែងអំណរគុណដល់ប្រជាពលរដ្ឋ ដែលបានអញ្ជើញទៅចូលរួមបោះឆ្នោតជ្រើសតាំងតំណាងរាស្ត្រ នីតិកាលទី០៦ កាលពី២៩ខែកក្កដា កន្លងទៅ ដោយបានបង្ហាញឲ្យឃើញយ៉ាងច្បាស់ថា បងប្អូនបានសម្ដែងពីឆន្ទះបានបោះឆ្នោតគាំទ្រសម្ដេចតេជោ ហ៊ុន សែនដែលជាអ្នកដឹកនាំប្រកបដោយកិត្តិបណ្ឌិតពោរពេញដោយព្រហ្មវិហារធម៌ មានសមត្ថភាពគ្រប់គ្រាន់ ក្នុងការដឹកនាំប្រទេស ដើម្បីបន្តថែរក្សាសុខសន្តិភាព និងការអភិវឌ្ឍបន្តទៅទៀត ។
ក្នុងឱកាសនោះអំណោយដែលលោកអភិបាលនិងលោកស្រីចែកជូនប្រជាពលរដ្ឋ៤៥គ្រួសារ មាន អង្ករ១បាវ គ្រឿងឧបភោគបរិភោគ និងសម្ភារៈប្រើប្រាស់មួយចំនួនថវិការ ១២ ម៉ឺនរៀល ដោយឡែកព្រះសង្ឃគង់នៅវត្តនាគវ័ន្ត បានចែកជូននូវគ្រឿងបរិភោគ ក្នុង១គ្រួសារ១ថង់យួរបន្ថែម មាន (តែ ស្ក ទឹកដោះគោ ត្រីខ មី ) ៕
