ប្រជាពលរដ្ឋក្រីក្រ ជួបការលំបាកបានទទួល អំណោយរបស់ សម្ដេចទាំងទ្វេរនិង អំណោយលោកជំទាវហ៊ុន ម៉ាណា

ត្បូងឃ្មុំ៖កាលព្រឹកថ្ងៃទី២៤ខែឧសភា ឆ្នាំ២០២១នេះ តាមប្រសាស៍ណែនាំរបស់លោកជំទាវ ហ៊ុន ម៉ាណា បានចាត់អោយ លោកជិន ប៊ុនធឿន និងក្រុមការងារ ជូនដំណើរអ្នកស្រី ផាត សុខរឿន និងកូនប្រុសរបស់គាត់ ទៅកាន់ទីលំនៅ ដែលគាត់រស់នៅវិញ នៅភូមិទួលសំបូរ ឃុំជប់ ស្រុកត្បូងឃ្មុំ ខេត្តត្បូងឃ្មុំ បន្ទាប់ពីកូនប្រុសរបស់ អ្នកស្រីដែលមានជំងឺរលាកសួតធ្ងន់ធ្ងរនោះ បានសម្រាកព្យាបាល នៅមន្ទីរពេទ្យគន្ធបុប្ផាអស់ រយៈពេល ១០ថ្ងៃហើយ ដោយមានការយកចិត្តទុកដាក់ ពីសំណាក់ក្រុមគ្រូពេទ្យធ្វើ អោយស្ថានភាពជំងឺ របស់ក្មួយប្រុសបានប្រសើរឡើងវិញ។

ហើយនៅព្រឹកដដែល លោក ជិន ប៊ុនធឿន ក៏បាននាំយកអំណោយ លោកជំទាវ ហ៊ុន ម៉ាណា ទៅផ្តល់ជូនប្អូនប្រុស វ៉ាន់ អៀក និងក្រុមគ្រួសារ រស់នៅភូមិទី២៥ ឃុំព្រះធាតុ ស្រុកត្បូងឃ្មុំ ខេត្តត្បូងឃ្មុំ ។
សូមបញ្ជាក់ផងដែរថា ប្អូនប្រុស វ៉ាន់ អៀក មានអាយុ ១៥ ឆ្នាំ បានរងគ្រោះថ្នាក់ដោយសារ ភ្លើងឆាប់ឆេះរលាកស្ទើរពេញខ្លួន បន្ទាប់ពីប្អូនបានត្រឡប់ ពីចំការកៅស៊ូ ហើយមកចំអិនម្ហូបដោយ ធ្វេស សប្រហែសក៏ភ្លើងបាន ឆេះអាវដែលប្រលាក់ ដោយជ័រកៅស៊ូនោះ ។ ហើយម្យ៉ាងវិញទៀតប្អូនជា កូនច្បងក្នុងគ្រួសារត្រូវជួយ រកប្រាក់ចិញ្ចឹមគ្រួសារ និងមើលថែម្តាយដែល មានជំងឺសរសៃប្រសាទទៀតផង ។
ក្នុងឱកាសនោះ ក្រុមការងារបាននាំយក អំណោយទៅ ជូនគ្រួសារនីមួយៗមានដូចជា ៖ សម្ភារៈផ្ទះទេវតា ០១ ឈុតធំមានដូចជា:
១-អង្ករ ១០០គីឡូ
២-ថវិកាចំនួន ០១លានរៀល
៣-ទឹកដោះគោខាប់ ចំនួន៤៨កំប៉ុង
៤-ស្ករសចំនួន ៥គីឡូ
៥-ប្រេងកូឡាចំនួន ០១ ប្រអប់ធំ
៦-ប្រេងខ្យល់ចំនួន ០១ ប្រអប់ធំ
៧-តែ ១០កញ្ចប់តូច
៨-មី ចំនួន ០៦កេសតូច
៩-ត្រីខ ចំនួន ១០០កំប៉ុង
១០-កន្ទេល ០២
១១-ខ្នើយ ០២
១២-ម៉ុង ០២
១៣-ភួយ ០១
១៤-ពូក ០១
១៥-ស្បែកជើង ០១គូរ
១៦-ទឹកស៊ីអុីវ ០៣យួរ
១៧-ឆ្នាំងបាយ ០២
១៨-កំសៀវទឹក ០១
១៩-កាធុនទឹកដែក ០១
២០-ខ្ទះឆា ០១
២១-ស្លាបព្រា និង សម ០១ ឈុត
២២-វែកបាយ ០១ ។
ដោយឡែកលោកយាយ លោកតា របស់ប្អូនប្រុស ក៏ទទួលបានថវិកា របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចំនួន ៨០ម៉ឺនរៀល ព្រមទាំងអាវយាយតាម្នាក់ៗចំនួន ០២សម្រាប់ផងដែរ៕សុវណ្ណភូមិ