ឃាត់ខ្លួនអ្នកសារព័ត៌មាន ៩ នាក់ តាមពាក្យបណ្តឹង របស់ម្ចាស់រថយន្តដឹកឈើ ពីបទកំហែងយកប្រាក់

ស្ទឹងត្រែង ៖ សមាគមសេរីភាពអ្នកសារព័ត៌មានកម្ពុជា កំពុងស្រាវជ្រាវ និង ឃ្លាំមើលយ៉ាងយកចិត្តទុកដាក់ ករណីអ្នកសារព័ត៌មាន ៩ នាក់ ត្រូវបាន កងរាជអាវុធហត្ថខេត្តស្ទឹងត្រែង ឃាត់ខ្លួន តាមពាក្យបណ្តឹងរបស់ម្ចាស់រថយន្តដឹកឈើ ពីបទ«កំហែងយកប្រាក់» កាលថ្ងៃទី៧ ខែកញ្ញា ឆ្នាំ២០២១។

សូមមិត្តអ្នកព័ត៌មានចូលរួមគោរពច្បាប់ជាគោល លិខិតបទដ្ឋានគតិយុត្តិនានា និង ក្រមសីលធម៌វិជ្ជាជីវៈព័ត៌មាន ឲ្យបានខ្ជាប់ខ្ជូន ជាពិសេស អនុវត្តអនុសាសន៍ដ៏ខ្ពង់ខ្ពស់របស់ សម្តេចតេជោ ហ៊ុន សែន « កុំបំពានសិទ្ធិអ្នកដទៃ កុំបំភ្លៃការពិត»។

សមាគមសូមអំពាវនាវដល់ សមត្ថកិច្ចជំនាញពាក់ព័ន្ធ និងស្ថាប័នតុលាការ សូមមេត្តាជួយស្វែងរកការពិត និងផ្តល់យុត្តិធម៌ ជូនបងប្អូន អ្នកសារព័ត៌មានទាំង ០៩នាក់ ស្របតាមច្បាប់៕