អគ្គីភ័យឆេះផ្សារដំបូលខៀវ ខូចខាតតូបអស់ចំនួន ០៦ និង ឆេះសម្ភារៈអស់ទាំងស្រុង
រាជធានីភ្នំពេញ៖ នៅវេលាម៉ោង ១២និង១០ នាទីយប់ រំលងអធ្រាត្រ ថ្ងៃអាទិត្យ ទី១៩ ខែកញ្ញា ឆ្នាំ២០២១ មានករណីអគ្គីភ័យមួយកន្លែងកើតឡើងនៅផ្សារដំបូលខៀវ ស្ថិតតាមបណ្តោយផ្លូវបេតុង ភូមិត្រពាំងថ្លឹងទី១ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
ម្ចាស់ទីតាំងលោកឧកញ៉ា កាំង ឡេង ភេទ ប្រុស អាយុ ៣៩ ឆ្នាំ មុខរបរ: អគ្គនាយកផ្សារ និង ឈ្មោះ សុង គឹមហួរ ភេទ ប្រុស អាយុ ៥២ ឆ្នាំ មុខរបរ អ្នកគ្រប់គ្រងផ្សារ ។
មូលហេតុ: បណ្តាលមកពីឆ្លងចរន្តអគ្គិសនី ។
ខូចខាតសម្ភារៈឆេះតូបថ្មប្រក់ស័ង្កសីទំហំ ២០០ម៉ែត្រ × ១២ម៉ែត្រ ឆេះខូចខាតតូបអស់ចំនួន ០៦ តូប ឆេះសម្ភារៈអស់ទាំងស្រុង ។
រថយន្តការិយាល័យអគ្គិភ័យ : ចំនួន ២៣ គ្រឿង ប្រេីប្រាស់ទឹកចំនួន ២៣ រថយន្ត ស្មេីនឹង ៩២ម៉ែត្រគូប ។ រថយន្តជំនួយៈ ក្រសួងមហាផ្ទៃ ចំនួន ០២ គ្រឿង ប្រេីប្រាស់ទឹកអស់ ០២ រថយន្ត ស្មេីនឹង ១២ម៉ែត្រគូប រថយន្តក្រុមហ៊ុនស្រាបៀរកម្ពុជា ចំនួន ០១ គ្រឿង ប្រេីប្រាស់ទឹកអស់ ០១ រថយន្ត ស្មេីនឹង ០៦ម៉ែត្រគូប រថយន្តពន្លត់របស់ក្រុមហ៊ុន ISI ចំនួន ០១ គ្រឿង ប្រេីប្រាស់ទឹកអស់ ០១ រថយន្ត ស្មេីនឹង ០៤ម៉ែត្រគូប៕
