ឆេះរោងចក្រ ផលិតគ្រឿងបន្សំកាបូប និងគ្រឿងបន្សំស្បែកជេីងនៅក្នុងទឹកដីស្រុកគងពិសី
កំពង់ស្ពឺ ៖ មានអគ្គិភ័យឆាបឆេះទីតាំងរោងចក្រ ផលិតគ្រឿងបន្សំកាបូប និងគ្រឿងបន្សំស្បែកជេីងនៅក្នុងទឹកដីស្រុកគងពិសី រថយន្តសង្គ្រោះពន្លត់អគ្គិភ័យ នៃស្នងការដ្ឋាននគរបាលខេត្ដកំពង់ស្ពឺ និងកងកម្លាំងនគរបាលបានចេញជួយអន្ដរាគមន៍។
រោងចក្រ ផលិតគ្រឿងបន្សំកាបូប និងគ្រឿងបន្សំស្បែកជេីង ETERNAL UNION INDUSTRY (CAMBODIA)CO.,LTD. មានទីតាំងស្ថិតនៅភូមិព្រៃខ្វាវ ឃុំរការកោះ ស្រុកគងពិសី ខេត្ដកំពង់ស្ពឺ ត្រូវអគ្គិភ័យ ឆាបឆេះយ៉ាងសន្ធោសន្ធៅ ករណីអគ្គិភ័យនេះបណ្ដាលមកពី។
រថយន្តសង្គ្រោះពន្លត់អគ្គិភ័យ នៃស្នងការដ្ឋាននគរបាលខេត្ដកំពង់ស្ពឺ ជាច្រើនគ្រឿងបានចេញប្រតិបត្ដិការនៅគោលដៅ ដោយមានការជួយអន្ដរាគមន៍បន្ថែមពីកងកម្លាំងនគរបាលជាច្រើនមកពីអង្គភាពពាក់ព័ន្ធ។
ទាក់ទងទំហំនៃការខូចខាត នៅទីតាំងរោងចក្រខាងលេី សមត្ថកិច្ចនគរបាលបានបញ្ជាក់ថា រោងចក្រមានអគារចំនួន ០៣ខ្នង អគ្គិភ័យបានឆេះបំផ្លាញអស់ ០១ខ្នង និងបានឆេះរាលដាលឆ្លងទៅអគារទី០២ ប៉ុន្តែដោយសារតែមានការជួយអន្ដរាគមន៍ពីរថយន្ដសង្រ្គោះពន្លត់អគ្គិភ័យ បានធ្វេីឱ្យអគ្គិភ័យថមថយមិនបានបំផ្លាញអគារទី០២ ទាំងស្រុងនោះទេ។ រីឯការខូចខាតរួមមានសម្ភារៈនៅក្នុងអគារទី០១ ឆេះទាំងស្រុង (កាវ ស្បែក ស្នោរ និងសម្ភារៈវត្ថុធាតុដេីមប្រភេទជ័រ) ។
មូលហេតុ : តាមការបញ្ជាក់ពីសមត្ថកិច្ច អាជ្ញាធរ និងម្ចាស់គ្រប់គ្រងនៅទីតាំងរោងចក្រខាងលេី គឺកំពុងស្រាវជ្រាវ៕