ចាប់កូនបែកថ្នាំម្នាក់ យកដំបងដែកបំពង់ទីប វាយឪពុកបង្កេីតផុងលលាដ៍ក្បាលស្លាប់
ភ្នំពេញ៖ នៅថ្ងៃទី ០១ ខែ ធ្នូ ឆ្នាំ២០២១ វេលាម៉ោង ២១ និង ០០ នាទី មានករណីឃាតកម្ម កេីតឡេីងនៅភូមិត្រពាំងក្រឡាញ់ ឃុំលំពង់ ស្រុកបាទី ខេត្តតាកែវ ដែលបង្កឡេីងដោយជនសង្ស័យឈ្មោះ និល មន ភេទប្រុស អាយុ២៣ឆ្នាំ មានទីលំនៅភូមិឃុំកេីតហេតុខាងលេី បានយកដំបងដែកបំពង់ទីបវាយទៅលេីជនរងគ្រោះឈ្មោះ និល ហ៉ីម ភេទប្រុស អាយុ ៦៤ឆ្នាំ មានទីលំនៅភូមិត្រពាំងក្រឡាញ់ ឃុំលំពង់ ស្រុកបាទីខេត្តតាកែវ ត្រូវជាឪពុកបង្កេីត ជាច្រើនដំបង ចំក្បាលពីក្រោយ បណ្តាលអោយបែកផុងលលាដ៍ក្បាលស្លាប់។
មូលហេតុ ជនសង្ស័យជាមនុស្សសតិមិនគ្រប់(បែកថ្នាំ) និងស្រវឹងស្រា ទេីបបង្កអោយមានករណីឃាតកម្មនេះ កេីតឡេីង។
ក្រោយកេីតហេតុ ជនសង្ស័យ បានរត់គេចខ្លួនបាត់ ។ លុះដល់ថ្ងៃទី ០២ ខែ ធ្នូ ឆ្នាំ២០២១ នៅវេលាម៉ោង ០៧ និង ៣០ នាទីទេីបកម្លាំងយេីងឃាត់ខ្លួនបានជនសង្ស័យ និងវត្ថុតាង នៅត្រង់ចំណុចព្រៃក្រោយភូមិត្រពាំងក្រឡាញ់ ឃុំលំពង់ ស្រុកបាទី ខេត្តតាកែវ មក អធិការដ្ឋាននគរបាលស្រុកបាទី ដើម្បីកសាងសំណុំរឿងតាមនីតិវិធី៕
