អភិបាលខណ្ឌកំបូល ចែកអំណោយជូន ប្រជាពលរដ្ឋលោកតា លោកយាយ ចាស់ ជរាដែលមានជីវភាពខ្វះខាត ក្នុងរដូវត្រជាក់ធ្លាក់ខ្យល់ចំនួន១១០គ្រួសារ ស្ថិតក្នុងភូមិសាស្រ្ត សង្កាត់ឪឡោក
ភ្នំពេញ ៖អនុវត្តន៍តាមផែនការណែនាំ ជាប់ជាប្រចាំរបស់លោក ឃួង ស្រេង អភិបាលរាជធានីភ្នំពេញ ដែលតែងតែយកចិត្តអនុវត្តន៍ អនុសាសន៍ដឹកនាំដ៏ខ្ពង់ខ្ពស់ របស់សម្តេចតេជោ ហ៊ុន សែន នៅព្រឹកថ្ងៃអាទិត្យ ថ្ងៃទី២៦ ខែធ្នូ ឆ្នាំ២០២១ លោក ឃឹម ស៊ុនសូដា អភិបាលខណ្ឌកំបូល លោក ស្វាយ ធួន តំណាងក្រុមប្រឹក្សាខណ្ឌ រួមជាមួយ លោកស្រី អភិបាលរងខណ្ឌ នាយករងរដ្ឋបាល និងមន្ត្រីសាលាខណ្ឌសហការ ជាមួយសង្កាត់ បាននាំយកអំណោយដ៏ថ្លៃថ្លាំ របស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលបានផ្តល់ជូនតាមរយៈលោក ឃួង ស្រេង អភិបាលរាជធានីភ្នំពេញ ដេីម្បីចែកជូន ប្រជាពលរដ្ឋលោកតា លោកយាយ ចាស់ ជរាដែលមានជីវភាពខ្វះខាត ក្នុងរដូវត្រជាក់ធ្លាក់ខ្យល់រំហេីយ ចំនួន១១០គ្រួសារ ស្ថិតក្នុងភូមិសាស្រ្ត សង្កាត់ឪឡោក ខណ្ឌកំបូល រាជធានីភ្នំពេញ។
ឆ្លៀតក្នុងឱកាសនោះដែរ លោកអភិបាលខណ្ឌបាន ជម្រាបជូនដល់ប្រជាពលរដ្ឋ លោកតា លោកយាយ ត្រូវបន្តអនុវត្តន៍ឲ្យបាន ខ្ជាប់ខ្ជួននូវវិធានការ”៣កុំ ៣ការពារ”របស់ប្រមុខរាជរដ្ឋាភិបាល និងវិធានការអនាម័យ របស់ក្រសួងសុខាភិបាល ដើម្បីចូលរួមទប់ស្កាត់ ការឆ្លងរីករាលដាល ជំងឺកូវីដ-១៩។
ក្នុងឱកាសនោញលោកអភិបាលខណ្ឌ ក៏បានជំរុញដល់មន្ត្រី និងសមត្ថកិច្ចមូលដ្ឋាន ឲ្យពង្រឹងការអនុវត្តន៍ គោលនយោបាយភូមិ ឃុំ សង្កាត់មានសុវត្ថិភាព របស់រាជរដ្ឋាភិបាល ឲ្យបានល្អប្រសើរ ដេីម្បីផ្តល់នូវសុខសុវត្ថិភាព ភាពសុខដុម និងទំនុកចិត្តប្រកប ដោយភាពកក់ក្តៅ ចំពោះរាជរដ្ឋាភិបាលកម្ពុជា និងអាជ្ញាធរគ្រប់ លំដាប់ថ្នាក់។
អំណោយដែលបានចែកជូន ក្នុងមួយគ្រួសារ រួមមាន៖អង្ករ ២៥ គីឡូក្រាម
ត្រីខកំប៉ុង១យួរ ទឹកត្រី១យួរ ភួយចំនួន១៕
