លោកនុត ពុអដារ៉ា បើកសន្និបាត គណៈកម្មាធិការគណបក្សប្រជាជនកម្ពុជា ឃុំទឹកឃ្លាំង ស្រុកល្វាឯម បង្ហាញបេក្ខជនក្រុមប្រឹក្សាឃុំ សម្រាប់ការបោះឆ្នោតឆ្នាំ២០២២

កណ្ដាល៖នៅថ្ងៃទី០៤ ខែមករា ឆ្នាំ២០២២ ល៩ក នុត ពុធដារ៉ា សមាជិកអចិន្ត្រៃយ៍ គណៈកម្មាធិការគណបក្សខេត្តកណ្តាល តំណាងលោកប្រធានគណបក្សខេត្តកណ្តាល បានចូលរួមជាអធិបតី ក្នុងសន្និបាត គណៈកម្មាធិការគណបក្សប្រជាជនកម្ពុជា ឃុំទឹកឃ្លាំង ស្រុកល្វាឯម ខេត្តកណ្តាល ។

សន្និបាតគណៈកម្មាធិការ គណបក្សប្រជាជនកម្ពុជា ឃុំទឹកឃ្លាំងនេះដើម្បីពិនិត្យ និងអនុម័តលើរបាយការណ៍ សមិទ្ធផលការងាររយៈពេល៥ឆ្នាំ (២០១៧-២០២២) គោលនយោបាយអភិវឌ្ឍឃុំ ៥ឆ្នាំបន្ត (២០២២-២០២៧) និងបង្ហាញបេក្ខជនក្រុមប្រឹក្សាឃុំ សម្រាប់ការបោះឆ្នោតឆ្នាំ២០២២ ខាងមុខ៕