កូរ៉េខាងជើងប្រកាសថា បានបាញ់មីស៊ីល ចេញពីរថភ្លើង
បរទេស៖ ប្រទេសកូរ៉េខាងជើង នៅថ្ងៃសៅរ៍នេះ បាននិយាយថា ខ្លួនបានបាញ់សាកល្បងមីស៊ីលចេញពីរថភ្លើង ជាអ្វីដែលត្រូវបានគេមើលឃើញថា ជាការសងសឹកជាក់ស្តែង ប្រឆាំងទៅនឹងការដាក់ទណ្ឌកម្មថ្មី ដែលបានដាក់ដោយរដ្ឋបាលលោក Joe Biden។
ការបាញ់នេះបានធ្វើឡើងប៉ុន្មានម៉ោង បន្ទាប់ពីក្រសួងការបរទេសរបស់ទីក្រុងព្យុងយ៉ាងបានចេញ សេចក្តីថ្លែងការណ៍ដាក់កំហុសលើសហរដ្ឋអាមេរិក ចំពោះការដាក់ទណ្ឌកម្មថ្មីលើការសាកល្បង កាលពីពេលមុនរបស់កូរ៉េខាងជើង ហើយបានព្រមានពីសកម្មភាពកាន់តែខ្លាំង។