ឆេះផ្ទះចំនួន០៣លែ្វង, ជនរងគ្រោះម្នាក់ បានស្លាប់
ភ្នំពេញ៖ ផ្ទះចំនួន០៣លែ្វង , ជនរងគ្រោះចំនួន០៣នាក់ ក្នុងនោះ បានស្លាប់បាត់បង់អាយុជីវិតម្នាក់ភេទស្រី អាយុប្រហែល២៦ឆ្នាំ ក្រោយបានយកទៅសង្គ្រោះនៅឯមន្ទីរពេទ្យភ្លាមៗផងដែរ ។
នៅវេលាម៉ោង ០៣និង៤៥នាទីទៀបភ្លឺ ថ្ងៃពុធ ៩រោច ខែបុស្ស ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៦ ខែមករា ឆ្នាំ២០២២ មានករណីអគ្គីភ័យមួយកន្លែងបានកើតឡើងនៅចំណុចបុរីសម្បតិ្តមាស ផ្ទះលេខ១សេ ភូមិបឹងសាឡាង ក្រុម១ សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។
ម្ចាស់ទីតាំងឈ្មោះ: ភុក ប៉ាវ ភេទ ប្រុស អាយុ ៦៣ ឆាំ្ន មុខរបរ: មន្រី្តក្រសួងអប់រំ ។
មូលហេតុ: កំពុងបន្តការស្រាវជ្រាវ ។
ប្រភេទសំណង់: ផ្ទះលែ្វង ទំហំ ០៤ម៉ែត្រx១៦ម៉ែត្រ ។
ខូចខាតសម្ភារៈ: ឆេះផ្ទះអស់ចំនួន០១ខ្នងអស់ទាំងស្រុង នឹងឆេះរាលដល់ផ្ទះចំនួន ០២ខ្នង នឹងឆេះរថយន្តអស់ចំនួន០១គ្រឿង ។
ស្លាប់មនុស្ស : ចំនួន០១នាក់ពេលបញ្ជូនដល់មន្ទីរពេទ្យ និងរបួសមនុស្ស: ០២នាក់ រងរបួសស្រាល ។
សមត្ថកិច្ចបានប្រេីប្រាស់រថយន្តការិយាល័យអគ្គិភ័យ : ចំនួន ២១ គ្រឿង ប្រេីប្រាស់ទឹកអស់ ៤២ រថយន្ត ស្មើរនឹង ១៦៨ម៉ែត្រគូប ។
រថយន្តជំនួយអន្តរាគមន៍: រថយន្តសាលាខណ្ឌឫស្សីកែវ ចំនួន ០១ គ្រឿង ប្រើប្រាស់ទឹកអស់ ០២ រថយន្ត សើ្មរនឹង ០៨ម៉ែត្រគូប ។ រថយន្តក្រុមហ៊ុនOCICជ្រោយចង្វារ ចំនួន ០៩ គ្រឿង ប្រើប្រាស់ទឹកអស់ ១៨ រថយន្ត សើ្មនឹង ៧២ម៉ែត្រគូប ៕
