ទំហំពាណិជ្ជកម្ម រវាងកម្ពុជា-ចិន ក្នុងឆ្នាំ២០២១ មានចំនួនលើសពី ១១.១ ពាន់លានដុល្លារអាមេរិក
ភ្នំពេញ៖ ស្ថានទូតចិនប្រចាំកម្ពុជា នៅថ្ងៃទី២៩ ខែមករានេះ បានឲ្យដឹងថា យោងតាមទិន្នន័យ តួលេខរបស់ ក្រសួងពាណិជ្ជកម្មកម្ពុជា បានឱ្យដឹងថា ទំហំពាណិជ្ជកម្ម រវាងកម្ពុជានិងចិន ក្នុងឆ្នាំ២០២១ មានទឹកប្រាក់ សរុបប្រមាណជាង ១១.១៤៤ ពាន់លានដុល្លារអាមេរិក មានកំណើន ៣៧.២៨% បើធៀបនឹងរយៈពេលដូចគ្នា កាលពីឆ្នាំ២០២០។
ក្នុងនោះទំហំនៃការនាំចេញរបស់កម្ពុជា ទៅកាន់ប្រទេសចិន មានទឹកប្រាក់ប្រមាណ ១.៥១ ពាន់លានដុល្លារអាមេរិក មានកំណើន ៣៩% បើធៀបនឹងរយៈពេលដូចគ្នាកាលពីឆ្នាំ២០២០ រីឯទំហំនៃការនាំចូលពីចិន មកកាន់ប្រទេសកម្ពុជា មានទឹកប្រាក់ប្រមាណ ៩.៦៣ ពាន់លានដុល្លារអាមេរិក មានកំណើន ៣៧% បើធៀបនឹងរយៈពេលដូចគ្នា កាលពីឆ្នាំ២០២០៕
