ព្រះរាជអាជ្ញារងភ្នំពេញ លោក ម៉ុត ដារ៉ា យកកាំភ្លើងភ្ជង់ប្រពន្ធ ប្រើហិង្សាលើប្រពន្ធ និងមេដោះ
ភ្នំពេញ៖ ព្រះរាជអាជ្ញារងភ្នំពេញ លោក ម៉ុត ដារ៉ា យកកាំភ្លើងភ្ជង់ប្រពន្ធ ប្រើហិង្សាលើប្រពន្ធ និងមេដោះ បង្កអោយមានការភ្ញាក់ផ្អើល ដល់អ្នកជិតខាង និងសមត្ថកិច្ចចុះទៅ អន្តរាគមន៍ទាំងយប់ ។
កើតហេតុ នៅវេលាម៉ោង.៩:៣០នាទីយប់ថ្ងៃ សៅរ៍ ទី១២ ខែ មីនា ឆ្នាំ ២០២២ ស្ថិតនៅចំណុចផ្លូវ១៥០ផ្ទះ៨៩សង្កាត់ ទឹកល្អក់ទី២ ខណ្ឌ ទួលគោក។
ជនរងគ្រោះជាប្រពន្ធមានឈ្មោះ ហេង មួយគា ។
ក្រោយទទួលបានសេចក្តីរាយការណ៍ខាងលើនេះ កម្លាំងសមត្ថកិច្ចមូលដ្ឋាន បានចុះទៅជួយអន្តរាគមន៍ ដោយសុំឲ្យស្រ្តីជាប្រពន្ធ ធ្វើដំណើរទៅកាន់ទៅប៉ុស្តិ៍រដ្ឋបាលដើម្បីដាក់ពាក្យបណ្តឹង។
បើតាមស្រ្តីជាប្រពន្ធឈ្មោះ ហេង មួយគា និងម្តាយក្មេក បានប្រាប់អ្នកយកព័ត៌មាន ដែលកំពុងធ្វើការផ្សាយផ្ទាល់នៅកន្លែងកើតហេតុនោះថា ឈ្មោះ ម៉ុត ដារ៉ា តែងតែប្រើហិង្សាមកលើគាត់ជាប្រពន្ធ ជាច្រើនលើកច្រើនសាររហូតស្រ្តីជាប្រពន្ធទ្រាំលែងបាន ទើបឈ្លោះគ្នាកាន់តែខ្លាំងនៅពេលនេះតែម្តង។ ជាមួយគ្នានេះស្រ្តីជាប្រពន្ធ បានទទូចដល់សមត្ថកិច្ច ចាត់វិធានការតាមច្បាប់ចំពោះប្តីរបស់ខ្លួនដែលមានតួនាទីជាព្រះរាជអាជ្ញារងអមសាលាដំបូងរូបនេះ។
ព្រះរាជអាជ្ញារងអមសាលាដំបូងរាជធានីភ្នំពេញលោក ម៉ុត ដារ៉ា យកកាំភ្លើងគំរាមបាញ់ប្រពន្ធ ប្រើហិង្សាលើប្រពន្ធ និងឈ្មួលបម្រើក្នុងផ្ទះ, ស្រ្តីជាប្រពន្ធសូមឲ្យសមត្ថកិច្ចចាត់វិធានការតាមច្បាប់៕
