ឆ្លងចរន្តអគ្គិសនី ពីកង្ហាធ្វើឲ្យរាលដាល ឆេះទៅកំប៉ុងហ្គាស់តូចៗ និងដុងសាំង ឆេះផ្ទះលក់ចាប់ហួយ
ភ្នំពេញ៖ អគ្គិភ័យបានឆាបឆេះ ផ្ទះលក់ចាប់ហួយ មួយកន្លែង ដែលហេតុការណ៍នេះបានកើតឡើង នៅវេលាម៉ោង០៩:១០នាទី ថ្ងៃទី១៣ ខែមីនា ឆ្នាំ២០២២ ស្ថិតនៅចំណុចភូមិបឹងធំទី២ សង្កាត់បឹងធំ ខណ្ឌកំបូល
ហេតុការណ៍អគ្គិភ័យឆាបឆេះនេះ បណ្តាល មកឆ្លងចរន្តអគ្គិសនី ពីកង្ហាធ្វើឲ្យរាលដាលឆេះ ទៅកំប៉ុងហ្គាស់តូចៗ និងដុងសាំង ហើយធ្វើឲ្យខូចខាត ឆេះផ្ទះទំហំ២០×៣០ និងសម្ភារៈ លក់ចាប់ហួយទាំងស្រុង និងពុំបណ្ដាល ឲ្យឆេះរាលដាល ដល់អ្នកជិតខាងឡើយ។
នៅវេលាម៉ោង០៩:៣០នាទី ថ្ងៃខែឆ្នាំដដែល អគ្គិភ័យនេះ ត្រូវបានពន្លត់ បានទាំងស្រុង ដោយប្រើប្រាស់ រថយន្តការិយាល័យអគ្គិភ័យ រាជធានីភ្នំពេញ ចំនួន១គ្រឿង៕