លោកវរសេនីយ៍ឯក ហួ យ៉ៃ ស្នងការរងខេត្តកំពត ត្រូវក្រសួងមហាផ្ទៃ កោះអញ្ជើញឲ្យចូលបំភ្លឺតាមបណ្តឹងប្រជាពលរដ្ឋ

ភ្នំពេញ ៖ លោកវរសេនីយ៍ឯក ហួ យ៉ៃ ស្នងការរងនៃស្នងការដ្ឋាននគរបាលខេត្តកំពត ត្រូវបានក្រសួងមហាផ្ទៃ កោះអញ្ជើញ ឲ្យចូលបំភ្លឺ តាមចំណារដ៏ខ្ពង់ខ្ពស់របស់សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ នៅថ្ងៃចន្ទ ទី១៨ ខែកក្កដា ឆ្នាំ២០២២ វេលាម៉ោង៨ព្រឹក នៅនាយកដ្ឋានអធិការកិច្ច កិច្ចការនគរបាលរាជធានីខេត្តនៃអគ្គារធិការដ្ឋានក្រសួងមហាផ្ទៃ ដើម្បីបំភ្លឺតបតាមពាក្យបណ្ដឹងរបស់ប្រជាពលរដ្ឋដែលរស់នៅក្នុងឃុំរាម ស្រុកព្រៃនប់ ខេត្តព្រះសីហនុ និងនៅរាជធានីភ្នំពេញ ។

លិខិតពីអគ្គាធិការដ្ឋាននៃក្រសួងមហាផ្ទៃ គ្រាន់តែបញ្ជាក់ថា ហួ យ៉ៃ ប្រព្រឹត្តកំហុសក្នុងការបំពេញតួនាទី តែពុំបានបង្ហាញលម្អិតថា លោក ប្រព្រឹត្តកំហុសអ្វីនោះទេ។