ចំការមីនលេខ BLS/05236 ស្ថិតនៅភូមិត្រពាំងត្រោក ត្រូវបានបោសសំអាត ក្រោមគំរោងសម្តេចតេជោសំរាប់សកម្មភាពមីន
ភ្នំពេញ៖ ឯកឧត្តមហេង រតនា អគ្គនាយកស៊ីម៉ាក់ នៅថ្ងៃព្រហស្បតិ៍នេះបានថ្លៃងថា ចំការមីនលេខ BLS/05236 ស្ថិតនៅភូមិត្រពាំងត្រោក ឃុំប្រាំបីមុំ ស្រុកថ្ពង ខេត្តកំពង់ស្ពឺ ត្រូវបានបោសសំអាតក្រោមគំរោងសម្តេចតេជោសំរាប់សកម្មភាពមីន “ផ្តល់ដីសុវត្ថិភាព បង្កេីតស្នាមញញឹម”។
បានដំណេីរការបោសសំអាតគ្រាប់មីនដែលត្រូវបានដាក់ពង្រាយជាជួរ ក្នុងគោលដៅការពារខែ្សរត្រៀមប្រយុទ្ធក្នុងទីតាំងអតីត:សមរភូមិមួយនេះ។
សម្តេចតេជោបានដឹកនាំកងកំលាំងសេ្នហាជាតិ រំដោះជាតិនិងប្រជាជនពីរបបប្រល័យពូជសាសន៍ប៉ុល ពត បានប្រយុទ្ធការពារការវិលត្រឡប់វិញនៃរបបឃោរឃៅនេះ បានអនុវត្តនយោបាយបញ្ចប់សង្គ្រាមនិងកសាងសន្តិភាពការឯកភាពជាតិពេញលេញសំរាប់កម្ពុជាដែលមិនធ្លាប់មានជាង៥០០ឆ្នាំនៃប្រវតិ្តជាតិសាសន៍នេះ។
បន្ថែមលេីនេះ បានគិតគូរបំផុតដល់សុខសុវត្ថិភាពប្រជាពលរដ្ឋនិងទឹកដីដ៍បវរនេះឱ្យរួចផុតពីសំណល់គ្រាប់មីននិងយុទ្ធភណ្ឌសង្គ្រាមរាប់លានគ្រាប់ទៀតផង។
គំរោងសម្តេចតេជោសំរាប់សកម្មភាពមីននេះ បានផ្តល់គាំទ្រអង្គភាពសុីម៉ាក់ដេីម្បីបំពេញបេសកកម្មរបស់ខ្លួនក្នុងការលុបបំបាត់នូវការគំរាមកំហែងដោយសារមីននិងសំណល់យុទ្ធភណ្ឌសង្គ្រាម ផ្តល់ក្តីសង្ឃឹម និងការកសាងជីវភាពដ៍រុងរឿងលេីដីកេរ្ត៍មរតកដូនតាតរៀងទៅ៕
