២ថ្ងៃអនុគណៈកម្មការសុវត្ថិភាពចរាចរផ្លូវគោករាជធានីភ្នំពេញចែកខិតប័ណ្ណ បិទស្ទិកគ័រ និងចែកពាក់មួកសុវត្ថិភាពជូនអ្នកដំណើរបានចំនួន៦០០មួក

ភ្នំពេញ៖ អនុគណៈកម្មការសុវត្ថិភាពចរាចរផ្លូវគោក

រាជធានីភ្នំពេញ នៅព្រឹកថ្ងៃទី៦និងទី០៥ ខែតុលាឆ្នាំ២០១៨ នេះបានចុះធ្វើយុទ្ឋនាការផ្សព្វផ្សាយច្បាប់ចរាចរផ្លូវគោកលើបណ្តោយផ្លូវចំនួន៦ទីតាំង និងបានចែកខិតប័ណ្ណ បិទស្ទិកគ័រ និងចែកពាក់មួកសុវត្ថិភាពជូនអ្នកដំណើរដែលឆ្លើយត្រូវនូវសំណួរចម្លើយស្តីពីច្បាប់ចរាចរផ្លូវគោកចំនួន៦០០មួក។

   លោកសាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញបានអោយដឹងថា នៅព្រឹកថ្ងៃទី៦និងទី០៥ ខែតុលាឆ្នាំ២០១៨ នេះអនុគណៈកម្មការសុវត្ថិភាពចរាចរផ្លូវគោករាជធានីភ្នំពេញ បានចុះធ្វើយុទ្ឋនាការផ្សព្វផ្សាយច្បាប់ចរាចរផ្លូវគោកលើបណ្តោយផ្លូវចំនួន៦ និងបានចែកខិតប័ណ្ណ បិទស្ទិកគ័រ និងចែកពាក់មួកសុវត្ថិភាពជូនអ្នកដំណើរដែលឆ្លើយត្រូវនូវសំណួរចម្លើយស្តីពីច្បាប់ចរាចរផ្លូវគោកចំនួន៦០០មួក។

   ក្នុងនោះនៅព្រឹកថ្ងៃទី៦ ខែតុលា ឆ្នាំ២០១៨ អនុគណៈកម្មការសុវត្ថិភាពចរាចរផ្លូវគោករាជធានីភ្នំពេញ បានចុះធ្វើយុទ្ឋនាការផ្សព្វផ្សាយច្បាប់ចរាចរផ្លូវគោកនៅ ៣ទីតាំងគឺ នៅផ្លូវជាតិលេខ៥ ផ្លូវជាតិលេខ២ និងផ្លូវជាតិលេខ១  ដោយចែកខិតប័ណ្ណ បិទស្ទិកគ័រ និងចែកពាក់មួកសុវត្ថិភាពចំនួន ៣០០មួក ជូនចំពោះអ្នកដំណើរណាដែលឆ្លើយត្រូវនូវសំណួរចម្លើយស្តីពីច្បាប់ចរាចរផ្លូវគោក។ ដោយឡែកនៅព្រឹកថ្ងៃទី៥ ខែតុលា ឆ្នាំ២០១៨ វិញ អនុគណៈកម្មការសុវត្ថិភាពចរាចរផ្លូវគោករាជធានីភ្នំពេញ បានចុះធ្វើយុទ្ឋនាការផ្សព្វផ្សាយច្បាប់ចរាចរផ្លូវគោកនៅ ៣ទីតាំងដែរ គឺនៅផ្លូវជាតិលេខ៦ ផ្លូវជាតិលេខ៤ និងផ្លូវជាតិលេខ៣  ដោយបានចែកខិតប័ណ្ណ បិទស្ទិកគ័រ និងចែកពាក់មួកសុវត្ថិភាពចំនួន ៣០០មួក ជូនចំពោះអ្នកដំណើរណាដែលឆ្លើយត្រូវនូវសំណួរចម្លើយស្តីពីច្បាប់ចរាចរផ្លូវគោកផងដែរ។

    លោកសាំ ពិសិដ្ឋ បានថ្លែងអំណរគុណយ៉ាងជ្រាលជ្រៅចំពោះ សម្តេចក្រឡាហោមសខេងប្រធានគណះកម្មាការសុវត្ថិភាពចរាចរណ៍ លោកស៊ុន ចាន់ថុលទេសរដ្ឋមន្ត្រីរដ្ឋមន្ត្រីក្រសួងសាធារណការនិងដឹកជញ្ជូន លោកឃួង ស្រេង អភិបាលរាជធានីភ្នំពេញ ដែលតែងតែយកចិត្តទុកដាក់ដល់សមត្ថកិច្ចអនុវត្តច្បាប់ក៏ដូចជាមន្ត្រីជំនាញដែលខិតខំប្រឹងប្រែងក្នុងកិច្ចការនេះ ក្នុងន័យបញ្ជៀសគ្រោះថ្នាក់ចរាចរដល់ប្រជាពលរដ្ឋខ្មែរយេីង។

    បងប្អូនប្រជាពលរដ្ឋបានថ្លែងអំណរគុណដល់ថ្នាក់ដឹកនាំដែលបានយកចិត្តទុកដាក់ការពារគ្រោះថ្នាក់ចរាចរណ៍ដល់ប្រជាពលរដ្ឋ ដោយក្នុងនោះបានចែកមួកសុវត្ថិភាពជូននិងឯកសារពាក់ពន្ធ័និងច្បាប់ចរាចរណ៍ដេម្បីអោយប្រជាពលរដ្ឋបានយល់ជ្រួតជ្រាប ហេីយពួកគាត់ប្តេជ្ញាចូលរួមគោរពច្បាប់ចរាចរណ៍គ្រប់ៗគ្នា៕