សមត្ថកិច្ចឃាត់ខ្លួន ស្ត្រីជាអ្នករៀបចំកម្មវិធីថតស្ពតម្នាក់ ពាក់ព័ន្ធនឹងការចេញសែកស្អុយ
ភ្នំពេញ ៖ ស្ត្រីម្នាក់ជាអ្នករៀបចំកម្មវិធីថតស្ពត កាលពីព្រឹកថ្ងៃទី៨ ខែមីនា ឆ្នាំ២០២៣ ត្រូវបានកម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ នាំខ្លួទៅតុលាការពាក់ពន្ធករណី.មិនបំពេញកាតព្វកិច្ចចំពោះឧបករណ៍អាចជួញដូរបាន. ។
ស្ត្រីរូបនោះឈ្មោះ ហ៊ន សាលី អាយុ២៩ឆ្នាំ មានទីលំនៅសង្កាត់កន្ទោក ខណ្ឌកំបូល រាជធានីភ្នំពេញ ។ ការនាំខ្លួនស្ត្រីអ្នកថតស្ពតទៅតុលាការ ត្រូវបានសមត្តកិច្ចធ្វើឡើងតាមដីកាបញ្ជាឲ្យចូលខ្លួនរបស់លោក គឹម ហុងសាន ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ដើម្បីឲ្យឈ្មោះ ហ៊ន សាលី ចូលទៅបំភ្លឺទៅលើបណ្តឹងរបស់ឈ្មោះ អឿន ម៉ូនីកា ប្តឹងចោទប្រកាន់ពីបទ.មិនបំពេញកាតព្វកិច្ចចំពោះឧបករអាចជួញដូរបាន.ពោលគឺពាក់ពន្ធ ចេញមូលប្បទានបត្រគ្មានសាច់ ប្រាក់«សែកស្អុយ»ប្រមាណ១០ម៉ឺនដុល្លារអាមេរិក ។