ក្រសួងការពារជាតិរុស្ស៉ី កំពុងត្រៀមលក្ខណៈសងសឹក ចំពោះការវាយប្រហារលើស្ពានគ្រីមៀ

មូស្គូ៖ ប្រធានាធិបតីរុស្ស៉ី លោក វ៉្លាឌីមៀ ពូទីន បាននិយាយនៅថ្ងៃចន្ទនេះថាក្រសួងការពារជាតិរបស់លោក កំពុងត្រៀមលក្ខណៈធ្វើការសងសឹកចំពោះការវាយប្រហារ មួយដែលបង្កឱ្យមានការខូចខាតលើ

តភ្ជាប់តំបន់គ្រីមៀ ទៅកាន់តំបន់ភាគខាងត្បូងរបស់រុស្ស៉ី ដោយចោទប្រកាន់ថាអ៊ុយក្រែនជាអ្នកទទួលខុសត្រូវ។ នេះបើ តាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃអង្គារ ទី១៨ ខែកក្កដា ឆ្នាំ២០២៣។

នៅចុងបញ្ចប់នៃជំនួបតាមប្រព័ន្ធអនឡាញ ជាមួយក្រុមមន្ត្រីជាតិ និងក្នុងតំបន់ដើម្បីវាយតម្លៃពីផលវិបាកនៃការវាយប្រហារលើស្ពានគ្រីមៀ លោក ពូទីន បានហៅ ការវាយប្រហារនេះថាជាទង្វើឃោរឃៅ និងគ្មានន័យអ្វីទាំងអស់ ជាមួយការសង្កត់ធ្ងន់ថាស្ពាននេះមិនត្រូវបានប្រើប្រាស់សម្រាប់ការដឹកជញ្ជូនយោធា អស់រយៈពេល ជាយូរមកហើយ។

គួរបញ្ជាក់ថា បើតាមក្រុមមន្ត្រីលើកបន្តុបដោយរុស្ស៉ី ប្ដីប្រពន្ធ ២នាក់ដែលធ្វើដំណើរតាមរថយន្ដនៅលើស្ពានគ្រីមៀ ក្នុងថ្ងៃឈប់សម្រាកកាលពីចុងសប្ដាហ៍កន្លងទៅ ត្រូវបានសម្លាប់នៅក្នុងការវាយប្រហារ រីឯកូនស្រីរបស់ពួកគេមានអាយុ១៤ឆ្នាំ បានរងរបួស។ ទីក្រុងកៀវ មិនបានធ្វើអត្ថាធិប្បាយអ្វីចំពោះការវាយប្រហារនេះទេ ប៉ុន្តែ ប្រព័ន្ធផ្សព្វផ្សាយអ៊ុយក្រែន បានរាយការណ៍ថាសេវាសន្តិសុខអ៊ុយក្រែន ជាអ្នកនៅពីក្រោយការវាយប្រហារលើស្ពានគ្រីមៀ ដោយប្រើដ្រូនក្រោមបាតសមុទ្រ៕