កំណាត់ផ្លូវក្រវ៉ាតព្រំដែន កម្ពុជា.ឡាវ .ថៃ ប្រវែងជិត៩០គីឡូម៉ត្រ ត្រូវបានមន្ទីរសាធារណការ ខេត្តព្រះវិហារ ជួសជុលថែទាំឡើងវិញ

ព្រះវិហារ៖ កំណាត់ផ្លូវជាតិលេខ៩២ ជាផ្លូវក្រវ៉ាតព្រំដែន កម្ពុជា.ឡាវ .ថៃ ប្រវែង៨៨.៣៣គីឡូម៉ត្រ ពីព្រំប្រទល់ខេត្តស្ទឹងត្រែង ទៅបន្ទាយស្រមោច ស្រុកជាំក្សាន្ត ត្រូវបានមន្ទីរសាធារណការ និងដឹកជញ្ជូនខេត្តព្រះវិហារ ធ្វើការជួសជុល ថែទាំឡើងវិញ។

លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ នៅថ្ងៃទី២ ខែធ្នូ ឆ្នាំ២០២៣នេះ បានអញ្ជើញចុះត្រួតពិនិត្យមើលសកម្មភាព ការងារថែរទាំ​ផ្លូវជាតិលេខ៩២នេះ ខណៈ

ដែល ក្រុមការងារថែទាំផ្លូវថ្នល់របស់ មន្ទីរសាធារណការ និងដឹកជញ្ជូនខេត្តព្រះវិហារ កំពុងអនុវត្តន៍។

  ក្នុងឱកាសនោះ លោកបានណែនាំអោយក្រុមការងារ ត្រូវខិតខំធ្វើផ្លូវនេះឱ្យឆាប់រួចរាល់ ប្រកបដោយគុណភាពដើម្បីសម្រួលដល់ការធ្វើដំណើរ និងដឹកជញ្ជូនកសិផលរបស់ប្រជាពលរដ្ឋមានភាពងាយស្រួល។

  គួរបញ្ជាក់ថា៖ កំណាត់ផ្លូវជាតិលេខ៩២ ដែលមន្ទីរសាធារណការ និងដឹកជញ្ជូនខេត្តព្រះវិហារ កំពុងជួសជុល ថែទាំនេះ គឺភ្ជាប់ពីព្រំប្រទល់ខេត្តស្ទឹងត្រែង ឆ្លងកាត់ឃុំកំពង់ស្រឡៅមួយ ឃុំកំពង់ស្រឡៅពី ស្រុកឆែប ជាប់ព្រំដែនឡាវរហូតបន្ទាយស្រមោច ស្រុកជាំក្សាន្ត និងទៅប្រាសាទព្រះវិហារផងដែរ។

  លោកសូមជូនពរអោយការធ្វើដំណើររបស់បងប្អូនជួបតែសុខសុវត្ថិភាព ពិសេសរាល់ពេលបើកបរសូមចូលរួមគោរពច្បាប់ចរាចរណ៍ផ្លូវគោកទាំងអស់គ្នា៕