សមត្ថកិច្ចថៃ ចាប់បានអ្នកដឹកជញ្ជូន «ទឹកកាមចិន» មកបង្កាត់កូននៅឡាវនិងខ្មែរ
ថៃ៖ កាសែតថៃបានផ្សាយអោយដឹងថា នៅថ្ងៃទី២៤កុម្ភះនេះ ប៉ូលីសថៃបានតាមចាប់បានបុរសថៃម្នាក់អាយុ៣៣ឆ្នាំតាមដីកានាំខ្លួនតាំងពីឆ្នាំ២០២២ ពីបទរួមគំនិតលបលួចដឹកជញ្ជូន«ទឹកកាម»របស់អ្នកមានចិន មកផ្គត់ផ្គង់ដល់គ្លីនិចនៅឡាវនិងកម្ពុជាដោយវិធីជួលស្រ្តីឡាវនិងខ្មែរពរពោះ អោយបង្កើតកូន។
ជនសង្ស័យរូបនេះបានសារភាពថាខ្លួនបានប្រព្រឹត្តមុខរបរនេះតាំងពីឆ្នាំ២០១៤ដល់ឆ្នាំ២០២២ដោយបានបញ្ជូន«ទឹកកាមចិន»ផ្ទុកក្នុងបំពង់ កែវជាង១០០បំពង់មកហើយទៅអោយគ្លីចិចបង្កាត់កូននៅឡាវនិងខ្មែរ តាមការចង់បានរបស់ពួកចិន។
