លោកវ្ល៉ាឌីមៀរពូទីន ឃ្លាំមើលការបាញ់សាកល្បងមីស៊ីលនុយក្លេអ៊ែរឆ្លងទ្វីប Avangard ដោយជោគជ័យ

(ម៉ូស្គូ)៖​ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានចូលរួមទស្សនា និងបញ្ជាដោយផ្ទាល់លើការបាញ់សាកល្បងដោយជោគជ័យ​នូវប្រព័ន្ធមីស៊ីលឆ្លងទ្វីបលឿងជាងសំឡេង ដែលមានសមត្ថភាពអាចបំពាក់ក្បាលគ្រាប់នុយក្លេអ៊ែរ។

យោងតាមវិមានក្រឹមឡាំង ការបាញ់សាកល្បងមីស៊ីលលឿនជាងសំឡេងមានឈ្មោះថា Avangard ធ្វើឡើងនៅឯតំបន់ភាគខាង​កើតបំផុតនៃប្រទេស​រុស្ស៊ី ក្រោមការបញ្ជាពីចំងាយរបស់លោកពូទីន ចេញពីអគារក្រសួងការពារជាតិក្នុងទីក្រុងម៉ូស្គូ។ បន្ថែមពីលើ​នេះ លោក ពូទីនក៏បានអះអាងដែរថាទីក្រុងម៉ូស្គូ អាចនឹងដាក់ពង្រាយមីស៊ីលអន្តរទ្វីប Avangard នៅឆ្នាំ២០១៩។

លោក Putin បាននិយាយថា អាវុធត្រូវបានបាញ់ចេញពីភាគនិរតី នៃប្រទេសរុស្ស៊ី ហើយបានវាយលុកនិងបំផ្លាញគោលដៅមួយទៀតចម្ងាយ 3.700 ម៉ាយ (5954 គីឡូម៉ែត្រ) ។

លោកវ្ល៉ាឌីមៀរពូទីន បានត្រួតពិនិត្យប្រព័ន្ធមីស៊ីល ដែលមានសមត្ថភាពនុយក្លេអ៊ែរថ្មី របស់រុស្ស៊ី ដែលប្រៀបធៀបវាទៅនឹង “គ្រាប់បែកភ្លើង” មួយ។

គាត់បាននិយាយថា “វាតម្រង់ទៅរកគោលដៅ ដូចផ្កាយព្រះគ្រោះ ដូចជាភ្លើងអាកាស” ។

លោកបានប្រកាសថា ប្រទេសរុស្ស៊ី មានសព្វាវុធថ្មីជាច្រើនដូចជា Avangard នៅក្នុងសុន្ទរកថា កាលពីខែមីនា ដោយអះអាងថា ពួកគេអាចប៉ះទង្គិចស្ទើរតែគ្រប់ចំណុច នៅក្នុងពិភពលោក និងគេចពីកាំជ្រួចមីស៊ីល ដែលផលិតនៅសហរដ្ឋអាមេរិក។

បន្ទាប់ពីបានឃ្លាំមើល ការបាញ់បង្ហោះ កាលពីថ្ងៃពុធ លោកពូទីន បាននិយាយថារុស្ស៊ី នឹងដាក់ពង្រាយមីស៊ីល ដែលមានសមត្ថភាពនុយក្លេអ៊ែរ នៅឆ្នាំក្រោយ។ លោកវ៉្លាឌីមៀរពូទីនហៅថា Avangard ជា “អាវុធយុទ្ធសាស្ត្រថ្មី” ។

លោកបាននិយាយថា ប្រព័ន្ធមីស៊ីល Avangard ថ្មី គឺមិនអាចឈ្នះ បានសម្រាប់ប្រព័ន្ធការពារអាកាស និងប្រព័ន្ធការពារមីស៊ីល នៅថ្ងៃនេះ និងអនាគតហើយនេះ ជាជោគជ័យដ៏ធំធេងមួយ និងជាជ័យជម្នះដ៏ធំមួយ។

លោកពូទីនបាននិយាយថា Avangard មានជួរអន្ដរទ្វីប ហើយអាចហោះហើរ ក្នុងបរិយាកាសលឿន ជាងសំឡេង 20 ដង៕