អភិបាលខេត្តកំពង់ចាម ផ្ដាំផ្ញើរអោយអភិបាលក្រុង-ស្រុកទាំងដប់ ណែនាំប្រជាពលរដ្ឋកុំអោយធ្វើស្រែប្រាំង ខណៈមានភាពរាំងងស្ងួតនៅក្នុងខែមេសានិងឧសភា
ខេត្តកំពង់ចាម ៖ អភិបាលខេត្តកំពង់ចាមលោក គួច ចំរើន មានប្រសាសន៍ផ្ដាំផ្ញើរអោយលោកអភិបាលក្រុង-ស្រុកទាំងដប់ ជាពិសេសមេឃុំទាំងអស់ក្នុងខេត្តកំពង់ចាម ត្រូវណែនាំអោយប្រជាពលរដ្ឋក្នុងឃុំរបស់ខ្លួនទាំងអស់ កុំអោយធ្វើស្រែប្រាំងនាពេលខាងមុខ ព្រោះថា នៅក្នុងខែមេសានិងឧសភា នឹងមានភាពរាំងស្ងួត ដែលនេះ បើតាមការណែនាំរបស់ក្រសួងធនធានទឹក ។ ជាមួយគ្នានេះក៏ត្រូវពិនិត្យមើលអណ្តូងតាមភូមិបើរីងស្ងួចត្រូវរាយការណ៏មកបន្ទាន់ ដល់ស្រុក ឬខេត្ត ។
ការផ្ដាំផ្ញើរបែបនេះរបស់លោកគួច ចំរើនបានធ្វើឡើងនាព្រឹកថ្ងៃទី៣០ ខែមករា ឆ្នាំ២០១៩ សាលាខេត្តកំពង់ចាម ក្នុងពិធីប្រកាសតែងតាំងអភិបាលរងខេត្តកំពង់ចាម ក្រោមអធិបតីភាពលោក លេង វី រដ្ឋលេខាធិការក្រសួងមហាផ្ទៃលោក ខ្លូត ផន ប្រធានក្រុមប្រឹក្សាខេត្តលោក គួច ចំរើន អភិបាលខេត្តកំពង់ចាម និងអភិបាលរងខេត្ត ព្រមទាំងមន្ទីរអង្គភាពជុំវិញ ក្រុង-ស្រុកទាំងដប់ កងកម្លាំងទាំងបីប្រភេទ អញ្ជើញចូលរួមផងដែរ។
ជាមួយគ្នានោះដែរលោក លេង វី បានជម្រុញដល់លោកស្រីជាអភិបាលរងខេត្តថ្មី ត្រូវយកចិត្តទុកដាក់លេីការងារ ពោលធ្វេីយ៉ាងណាបម្រេីប្រជាពលរដ្ឋឲ្យបានល្អប្រសេីរ ក្រោមគោលនយោបាលរបស់រដ្ឋាភិបាល ដឹកនាំដោយ សម្តេចតេជោ ហ៊ុន សែន ជានាយករដ្ឋមន្ត្រី ។
គូសបញ្ជាក់ផងដែរថាលោក ស្រី គីមឆយ អតីតអភិបាលរងខេត្ត ត្រូវផ្ទេរភារកិច្ចជូន លោកស្រី ប៉ាង ដានី ឡេីងជាអភិបាលរងខេត្ត៕