កូនតារាសម្ដែងជើងចាស់ម្នាក់ ស្អាតហើយសិចស៊ីទៀត នាក់បានឃើញរូបឆោមលោម ពិតជាលង់ស្នេហ៏
ភ្នំពេញ ៖ មួយរយៈចុងក្រោយនេះ កញ្ញា កុសម៉ា លីនដា បានបញ្ចេញភាពសិចស៊ីជាខ្លាំងនៅលើបណ្ដាញសង្គម ខណៈដែលតារាប្រុសស្រីល្បីជាច្រើនរូបទៀតកំពុងតែស្ថិតក្នុងបញ្ជីខ្មៅរបស់ក្រសួងវប្បធម៌ត្រៀមកោះហៅទៅណែនាំ ឬអាចដាក់ពិន័យជុំវិញការស្លៀកពាក់សិចស៊ី។
ដោយឡែកទើបតែចាប់អាជីពជាតារាសម្ដែងមិនបាន១ឆ្នាំស្រួលបួលផង កញ្ញា កុសម៉ា លីនដា ចាប់ផ្ដើមមានទីផ្សារបណ្ដើរៗហើយ នាងគឺជាកូនច្បងរបស់អតីតតារាសម្ដែងជើងចាស់លោក ហៀង រតនា។ ទាំងស្អាតទាំងសមត្ថភាព តារាស្រីរូបនេះបានប្ដេជ្ញាថា នឹងខិតខំបន្តលើវិថីនេះ ក្រែងអនាគតមានទីផ្សារប្រសើរដូចនឹងតារាជូរមុខនាពេលបច្ចុប្បន្ននេះ។
ទោះបីជាមានឪពុកជាតារាសម្ដែងជើងចាស់ធ្លាប់ដែលមហាជនមួយចំនួនបានស្គាល់ហើយនៅចាំមុខក្តី ប៉ុន្តែការឈានជើងមកលើវិថីសិល្បៈនេះកញ្ញា កុសម៉ា លីនដា បានថ្លែងឲ្យដឹងថា ដំបូងឡើយប៉ារបស់នាងមិនបានគាំទ្រឡើយ ព្រោះ មិនចង់ឲ្យដើរលើវិថីនេះ ខ្លាចខូចអនាគត ខាតពេលអត់ប្រយោជន៍។ បែបនេះក្ដី ដោយស្រលាញ់ នាងក៏ខំជម្នះដោយខ្លួនឯង រហូតបានមានឱកាសចូលថត ហើយពេលឪពុកបានឃើញថាមានសមត្ថភាពអាចទទួលយកបាន ទើបក្រុមគ្រួសារបណ្ដោយតាមចិត្តទៅ។
កញ្ញា កុសម៉ា លីនដា បានបន្តឲ្យដឹងថា ការងារសិល្បៈដំបូងរបស់នាង គ្រាន់តែថត Outdoor លេងធម្មតាទេ ប៉ុន្តែក្រោយពីផុសលើបណ្ដាញសង្គមលេងក៏មានអ្នកដឹកនាំសិល្បៈមួយចំនួនចាប់អារម្មណ៍ហៅនាងទៅ ថត MV ស្ប៉ត និងភាពយន្តជាបន្តបន្ទាប់។ ជិត១ឆ្នាំមកនេះតារាស្រីមានកំណើតមកពី ខេត្តស្វាយរៀងខាងលើបានរៀប រាប់ ឲ្យដឹងថា ខ្លួនធ្លាប់បានថតភាពយន្តបាន៣រឿងមកហើយ រឿងទី១” បិសាចគួរឲ្យស្រលាញ់”, រឿងទី២”គូស្នេហ៍បម្រុង”, រឿងទី៣”ឆន្ទា” ។
ហើយបច្ចុប្បន្នកំពុងតែត្រៀមចុះកុងត្រាថតរឿងថ្មី១ទៀត ប៉ុន្តែមិនទាន់ដឹងចំណងជើង និងតួដែលត្រូវសម្ដែងនៅឡើយ។ តួដែល លីនដា ធ្លាប់សម្ដែងកន្លងមកនាងថា ភាគច្រើនជាតួកាចឆ្នាសឆ្នើម ហើយសិចស៊ីដែលចរិតតួសម្ដែងបែបនេះ គឺជាចំណង់ចំណូលចិត្តរបស់នាងតែម្ដង។
ខុសពីតារាសម្ដែងផ្សេងទៀត ដែលតែងតែប្រាថ្នាថា ថ្ងៃណាមួយនិងមានឱកាសអាចក្ដាប់បានតំណែងតួឯក សម្រាប់ កុសម៉ា លីនដា មិនហ៊ានបំណែងបែបនេះឡើយ ប៉ុន្តែនាងបែរជា ចង់ចាប់អាជីពជំនាញ តួកាចឆ្នាសឆ្នើម រហូតតែម្ដង។ នាងថ្លែងលាយនឹងសំណើចថា តួណាដែលគេស្អប់ជាងគេ គឺនាងចូលចិត្តជាងគេ៕