អគ្គីភ័យឆេះផ្ទះប្រជាពលរដ្ឋស្ថិតក្នុងសង្កាត់គោកឃ្លាងបណ្ដាលឲ្យ មនុស្សពីរនាក់រងរបួសនឹងខូចខាតរថយន្តរួមទាំងសម្ភារៈមួយចំនួន
(ភ្នំពេញ)៖ អគ្គីភ័យឆេះផ្ទះស្ថិតក្នុងសង្កាត់គោកឃ្លាងបណ្ដាលឲ្យមនុស្សពីរនាក់រងរបួសនឹងខូចខាតសម្ភារៈមួយចំនួន ហេតុការណ៍នេះបានបង្កឲ្យមានការភ្ញាក់ផ្អើលឡើងកាលពីវេលាម៉ោងជាង១២យប់រំលងអាធ្រាត្រ ឈានចូលថ្ងៃទី០១ខែកុម្ភៈឆ្នាំ២០១៩ដែលមានទីតាំង ស្ថិតនៅផ្លូវបេតុងស្ថិតក្នុងភូមិគោកឃ្លាងសង្កាត់គោកឃ្លាងខណ្ឌសែនសុខក្រុងភ្នំពេញ។
ម្ចាស់ផ្ទះរងគ្រោះឈ្មោះ វ៉ាន់ សុផាវត្តី ភេទស្រីអាយុ ៤៧ឆ្នាំមុខរបរ លក់ស្បែកជើង ស្នាក់នៅភូមិគោកឃ្លាងសង្កាត់គោកឃ្លាងខណ្ឌសែនសុខក្រុងភ្នំពេញ។
ប្រភពព័ត៌មានពីកន្លែងកើតហេតុបានប្រាប់ឲ្យដឹងថាមុនពេលកើតហេតុ ម្ចាស់កំពុងតែដេកលង់លក់ស្រាប់តែលឺសំឡេងផ្ទុះនៅជាន់ក្រោមយ៉ាងខ្លាំង ភ្លាមៗនោះគាត់បានរត់ចុះមកមើលស្រាប់តែឃើញ អណ្ដាតភ្លើងកំពុងតែឆាបឆេះទូរទឹកកកនឹងរថយន្ត រួមទាំងសម្ភារៈមួយចំនួនទៀត យ៉ាងសន្ធោសន្ធៅបាត់ទៅហើយ។ ចំណែកឯកូនៗរបស់គាត់វិញបានស្រែកឆោឡោ ដេីម្បីឲ្យអ្នកជិតខាងមកជួយភ្លាមៗនោះបងប្អូនប្រជាពលរដ្ឋដែលរស់នៅក្បែរៗនោះ បាននាំគ្នាជួយទាក់ទងទៅខាងសមត្ថកិច្ចមូលដ្ឋានដើម្បីធ្វើការសហការគ្នាជាមួយនឹងសមត្ថកិច្ចជំនាញផ្នែកពន្លត់អគ្គីភ័យ ដើម្បីចុះមកធ្វើការអន្តរាគមន៍ជាបន្ទាន់ទាំងកណ្តាលយប់ ដោយសារតែពួកគាត់បានជាប់នៅខាងក្នុងផ្ទះដែលកំពុងឆេះនេះ ចំណែកឯប្រជាពលរដ្ឋដែលរស់នៅក្បែរនោះបាននាំគ្នារត់ទៅយកបំពង់បាញ់ពន្លត់អគ្គីភ័យ ដោយបាញ់អស់ជាច្រើនបំពង់ទេីបធ្វើឲ្យអណ្ដាតភ្លើងរៀងអត់ថយជាងមុន ប៉ុន្តែអ្វីដែលសំណាងបំផុតនោះពួកគាត់បាននាំគ្នារត់ចេញពីភ្លើងដែលកំពុងឆេះ បណ្ដាលឲ្យរងរបួសចំនួនពីរផងដែរ។ មិនបានប៉ុន្មានផងរថយន្តពន្លត់អគ្គីភ័យ ចំនួនពីរគ្រឿងបានចេញមកជួយហើយធ្វើការបាញ់ឲ្យរលត់ដោយប្រើប្រាស់រថយន្តអស់មួយគ្រឿង ទេីបរលត់ជាស្ថាពរនៅវេលាម៉ោង១៖០០នាទីយប់។
ក្រោយកេីតហេតុសមត្ថកិច្ចមូលដ្ឋាននឹងកម្លាំងជំនាញ ផ្នែកពន្លត់អគ្គីភ័យបានប្រាប់ដឹងថាការឆាបឆេះនេះ បណ្ដាលមកពីមូលហេតុផ្ទុះសេខ្សែទូរទឹកកក ទើបបណ្ដាលឲ្យមានអណ្តាតភ្លើងឆាបឆេះយ៉ាងសន្ធោសន្ធៅបែបនេះ ។
