រថយន្ដFUSOបុករ ថយន្ដCamry ពីក្រោយខ្ទៀតទៅប៉ះរថយន្ដមួយគ្រឿងទៀត បណ្ដាលឲ្យរងបួសមនុស្ស៥នាក់
ខេត្តកំពង់ស្ពឺ ៖ កាលពីថ្ងៃទី១២ ខែកុម្ភៈ ឆ្នាំ២០១៩ វេលាម៉ោង៨និង២៥នាទី លើផ្លូវជាតិលេខ ៤ ចន្លោះគីឡូម៉ែត្រ ៤២-៤៣ ចំណុចភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ មានរថយន្ត ១គ្រឿង ម៉ាក FUSO ពណ៌ត្រួយចេក ផ្លាកលេខព្រះសីហនុ 3A.1517 អ្នកបើកបរបានចុះរត់បាត់ បើកបរពីលិចទៅកើត លុះមកដល់ចំណុចខាងលើបានបុករថយន្ត Camryពីក្រោយ ពណ៌ស្លែ ផ្លាកលេខភ្នំពេញ 2B.6561 អ្នកបើកបរឈ្មោះ អ៊ុកឈួនភេទប្រុសអាយុ៤៨ឆ្នាំរួមដំណើរមនុស្សចំនួន ៤នាក់ ស្រី ៣នាក់ អ្នកទាំង ៥ រស់នៅភូមិបឹងរុន ឃុំសីឡូត ស្រុកសីឡូត ខេត្តបាត់ដំបង។
ហេតុការណ៍គ្រោះថ្នាក់ចរាចររថយន្តTOYOTA Camry បានខ្ទៀតទៅប៉ះរថយន្ត ១គ្រឿងទៀត ម៉ាកហ្វ្រាយឡែនន័រ(FREIGHTLINER) ពណ៌ត្រួយចេក ស្លាកលេខព្រះសីហនុ 3A.7779 អ្នកបើកបរមិនស្គាល់ឈ្មោះ ចុះរត់បាត់ដែលកំពុងបើកបរពីកើតទៅលិច បណ្តាលឲ្យអ្នកជិះរថយន្ត toyota camry រងរបួសស្រាលទាំង ៥នាក់ សមត្ថកិច្ចចរាចរណ៍បានបញ្ជូនទៅពេទ្យសម្ភពអ៊ុំសារ៉នកំពង់ស្ពឺ។ មូលហេតុ មកពីរថយន្ដFUSO បើកបរឆ្វេសប្រហែសទើបបណ្ដាលឲ្យបុករថយន្ដ toyota camry ពីក្រោយពេញទំហឹង។
បច្ចុប្បន្នមធ្យោបាយបង្កគ្រោះថ្នាក់រថយន្តចំនួន ៣ គ្រឿង ត្រូវបានយកមករក្សាទុក នៅអធិការដ្ឋាននគរបាលស្រុកសំរោងទង បណ្ដោះអាសន្នរង់ចាំ ជំនាញកសាងសំណុំរឿងចាត់ការតាមនីតិវិធីច្បាប់៕
