លីប៊ីបានផ្លាស់ប្តូរពីប្រទេសជាឋានសួគ៌ ទៅជាឋាននរក ដោយសារបដិវត្តន៍ពណ៌
ភ្នំពេញ៖ លោកហេង រតនា អគ្គនាយកស៊ីម៉ាក់ នៅថ្ងៃទី២០មេសានេះថា សង្គ្រាមនៅប្រទេសលីប៊ីក្នុងខែមេសាឆ្នាំ២០១៩នេះ កំពុងវាយប្រហារគ្នាយ៉ាងខ្លាំងជាថ្មី ដោយមហាអំណាចនិងប្រទេសជេីងខ្លាំងក្នុងតំបន់ រួមមានបារាំង អុីតាលី រុស្សុី សហរដ្ឋអាមេរិក អេហ្សីប អារ៉ាប់រួម ព្រមទាំងU.N ផងនិយាយមិនត្រូវគ្នាឡេីយ។ ក្រោមហេតុផលនិងបុព្វហេតុស្នេហាជាតិរៀងៗខ្លួន ធ្វេីឱ្យក្រុមប្រយុទ្ធលីប៊ីយកត្រូវរៀងៗខ្លួន សម្លាប់គ្នាយ៉ាងព្រៃផ្សៃបំផុត។ សង្គ្រាមសុីវិលនេះផ្តេីមចេញពីបដិវត្តន៍ពណ៌នៅខែកុម្ភៈឆ្នាំ២០១១មកដល់បច្ចុប្បន្ន ហេីយអាចប្រេីពេលវេលាយូរឆ្នាំទៅមុខទៀត។ លីប៊ីបានផ្លាស់ប្តូរពីប្រទេសជាឋានសួគ៌ ទៅជាឋាននរក។ ប្រជាជនលីប៊ីបានក្លាយពីប្រជាជនអ្នកមានសុីវិល័យទៅជាទាសករនិងឈ្លេីយសឹកសង្គ្រាម៕