មន្ដ្រីជាន់ខ្ពស់ក្រសួងទេសចរណ៍ បានប្ដេជ្ញាចិត្ដថា៖ ខេត្តកែប នឹងនឹងក្លាយជាតំបន់សម្រាកលំហែកាយ កម្កម្រិតខ្ពស់ តែមិនឲ្យមាន កាស៊ីណូ និនិងរោងចក្រនោៈទេ
ភ្នំពេញ៖ ខេត្តកែប នឹងក្លាយជាតំបន់សម្រាកលំហែកម្រិតខ្ពស់ ដោយធានាមិនឱ្យមានការបង្កើតកាស៊ីណូ(Casino) និងរោងចក្រសហគ្រាសឡើយ។ នេះជាអះអាងរបស់លោក ថោង ខុន រដ្ឋមន្ត្រីក្រសួងទេសចរណ៍ យយោងតាមយោងតាមការចេញផ្សាយគេហទំព័រ របស់ក្រសួងទេសចរណ៍ ។
រាជរដ្ឋាភិបាល បានសម្រេចឱ្យក្រសួងទេសចរណ៍ ដឹកនាំការសិក្សាពីការរៀបចំផែនការមេ អភិវឌ្ឍន៍ខេត្តកែប ឱ្យក្លាយទៅជា«តំបន់ទេសចរណ៍សម្រាកលំហែកម្រិតខ្ពស់»សំដៅទាក់ទាញភ្ញៀវទេសចរមកទស្សនាកម្ពុជាឱ្យកាន់តែច្រើន។ ការសម្រេចដូច្នេះរបស់រាជរដ្ឋាភិបាល ធ្វើឡើងក្នុងកិច្ចប្រជុំ «គណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ» កាលពីថ្ងៃទី១៨ ខែមេសាកន្លងទៅ។
លោក ថោង ខុន រដ្ឋមន្ត្រីក្រសួងទេសចរណ៍ បានបញ្ជាក់ឲ្យដឹងតាមរយៈគេហទំព័រផ្លូវការរបស់ក្រសួងទេសចរណ៍ ថា៖ ការអភិវឌ្ឍខេត្តកែប ឱ្យក្លាយទៅជាតំបន់ទេសចរណ៍សម្រាកលំហែក កម្រិត ខ្ពស់នេះ គឺរាប់បញ្ចូលទាំងទីក្រុង ឆ្នេរខ្សាច់ កោះ ផ្សារ កំពង់ផែទេសចរណ៍ ភូមិដ្ឋានប្រជាពលរដ្ឋ មូលដ្ឋានអាជីវកម្មសេវាកម្មទេសចរណ៍ ក៏ដូចជារមណីដ្ឋានទេសចរណ៍នានាផងដែរ ប៉ុន្តែអាចនឹងមិនមានការបង្កើតឱ្យមាន«កាស៊ីណូ» និងរោងចក្រសហគ្រាសឡើយ ។
លោកបន្ដថា៖ ក្រសួងទេសចរណ៍ ក៏បានលើកទឹកចិត្ត ឱ្យមានការបង្កើតលំនៅដ្ឋានទី២ សម្រាប់ភ្ញៀវទេសចរវ័យចំណាស់ ឬចូលនិវត្តន៍នៅខេត្តកែបផងដែរ ដើម្បីពន្យារពេលការស្នាក់នៅរបស់ពួកគេ។
លោកបន្ដថា៖ ក្រៅពីគម្រោងអភិវឌ្ឍន៍ខេត្ត រាជរដ្ឋាភិបាល ក៏បានសម្រេចលើការសិក្សារៀបចំ«ខេត្តកំពតទៅជាតំបន់ទេសចរណ៍វប្បធម៌បេតិកភណ្ឌ និងកសិទេសចរណ៍»ផងដែរ។ រីឯខេត្តកោះកុង ក៏រាជរដ្ឋាភិបាលគ្រោងរៀបចំទៅជា«តំបន់អេកូទេសចរណ៍»ដែរ ខណៈខេត្តព្រះសីហនុ បានក្លាយជាតំបន់ទេសចរណ៍ និងសេដ្ឋកិច្ចពហុបំណងហើយនោះ។ លោក ថោង ខុន រដ្ឋមន្ត្រីក្រសួងទេសចរណ៍ បានបញ្ជាក់ឲ្យដឹងបែប នេះ កាលពីថ្ងៃ២៣មេសាឆ្នាំ២០១៩នៅក្រសួង ៕