សមត្ថកិច្ចចុះឆែកឆេរឃើញអ្នកបើកបរមានជាតិស្រវឹង 10 នាក់និងដកហូតម៉ូតូ យកទៅសាលាខណ្ឌ
ភ្នំពេញៈបន្ទាប់ពីធ្វើការឆែកឆេរត្រួតពិនិត្យ ជាតិស្រវឹងហើយ សមត្ថកិច្ច ខណ្ឌចំការមន បានរកឃើញ អ្នកបើកបរ ដែលមានជាតិស្រវឹង លើសកំរិត ចំនួន១០នាក់ តែសមត្ថកិច្ច មិនបានឃាត់ខ្លួនមនុស្សនោះ តែបានធ្វើការ ដកហូតម៉ូតូ ទៅរកទៅរក្សាទុកនៅអធិការដ្ឋានខណ្ឌចំការមន។
នៅយប់ថ្ងៃទី ២៥ ខែមេសា ឆ្នាំ២០១៩ គណះបញ្ជារឯកភាពខណ្ឌចំការមន បានដឹកនាំចំរុះនៃអធិការដ្ឋាននគរបាលខណ្ឌចំការមន បានដាក់គោលដៅអនុវត្តន៍ត្រួតពិនិត្យជាតិស្រវឹង និង អាវុធជាតិផ្ទុះ ត្រង់ចំនុច មុខវិទ្យាល័យបឹងត្របែក ផ្លូវព្រះមុនីវង្ស សង្កាត់ទន្លេបាសាក់ ខណ្ឌចំការមន ។
ក្នុងរង្វង់ប្រតិបត្តិការនេះ បានធ្វើឡើងដោយមានការចូលរួម ពីលោក ថេង សុថុល អភិបាលនៃគណះអភិបាល ខណ្ឌចំការមន លោក យិន សាន អធិការដ្ឋានខណ្ឌចំការមន និងលោក ឧត្តមសេនីយ៍ត្រី ប៊ុន សុសិក្ខា ស្នងការរងរាជធានីភ្នំពេញ បានដឹកនាំកម្លាំងសមត្ថកិច្ចចុះនៃអធិការដ្ឋានខណ្ឌចំការមន បានដាក់គោលដៅត្រួតពិនិត្យជាតិស្រវឹង និងអាវុធជាតិផ្ទុះ ត្រង់ចំនុច មុខវិទ្យាល័យ បឹងត្របែក ចាប់ពីម៉ោង ៩យប់ ដល់ម៉ោង១២រំលងអាធ្រាត្រ ព្រមទាំងធ្វើការឃាត់រថយន្តនិងម៉ូតូ ជាច្រើនគ្រឿងដើម្បីត្រួតពិនិត្យ អាវុធជាតិផ្ទុះ និង វាស់ជាតិស្រវឹង ព្រមទាំងធ្វើការអប់រំនែនាំ ដល់បងប្អូនប្រជាពលរដ្ឋ ដែលធ្វើដំណើរផ្លូវ សូមអោយចូលរួមគោរពច្បាប់ចរាចរណ៍ទាំងអស់គ្នា នៅពេលធ្វើធ្វើដំណើរម៉ូតូត្រូវពាក់ពួកសុវត្តភាព ចំនែកអ្នកបើករថយន្ត ត្រូវពាក់ខ្សែក្រវ៉ាត អោយបានត្រឹមត្រូវ ។
ជាចុងក្រោយ បន្ទាប់ពីធ្វើការឆែកឆេរត្រួតពិនិត្យ ជាតិស្រវឹងហើយ សមត្ថកិច្ចបានរកឃើញ អ្នកបើកបរ ដែលមានជាតិស្រវឹង លើសកំរិត ចំនួន១០នាក់ តែសមត្ថកិច្ច មិនបានឃាត់ខ្លួនមនុស្សនោះ តែបានធ្វើការ ដកហូតម៉ូតូ ទៅរក្សាទុកនៅអធិការដ្ឋានខណ្ឌចំការមន រងចាំថ្ងៃស្អែក ទើបអោយអ្នកបើកបរ ដែលមានជាតិស្រវឹង ចូលខ្លួនទៅធ្វើការ ផាក់ពិន័យ តាមផ្លូវច្បាប់ ៕
