ប្រជាជនម៉ូស្លីមស្រីលង្កា: “យើងប្រឆាំងនឹងក្រុុមនិយមជ្រុល និងភេរវកម្ម”

ពួកអ្នកកាន់សាសនាអ៊ីស្លាមស្រីលង្កា បានកាន់កាប់បដា កាលពីថ្ងៃសុក្រ ថ្កោលទោសការវាយប្រហារភេរវកម្ម ដែលបង្កឱ្យមានការបំផ្ទុះជាច្រើននៅព្រះវិហារកាតូលិក និងសណ្ឋាគារប្រណីត នៅថ្ងៃអាទិត្យនៅកូឡុំបូប្រទេសស្រីលង្កា។

អ្នកកាន់សាសនាបានឈរនៅពីមុខវិហារ Dewatagaha Jumma របស់រដ្ឋធានីដោយកាន់បដាថា “យើងប្រឆាំងនឹងក្រុម និយមជ្រុលនិងភេរវកម្ម” ។

មនុស្សរាប់រយនាក់បានប្រមូលផ្តុំគ្នានៅវិហារអ៊ីស្លាមសម្រាប់សេចក្ដីអធិស្ឋាន នៅថ្ងៃសុក្ររបស់ពួកគេទោះបីជាមានការព្រមានពីអំពើហិង្សាសងសឹក។ អ្នកថ្វាយបង្គំខ្លះបានប្រាប់ AFP ថាពួកគេនឹងមិនត្រូវបានរារាំងឡើយ។

យ៉ាងហោចណាស់មានមនុស្ស 253 នាក់បានស្លាប់ នៅពេលអ្នកវាយប្រហារបានបំផ្ទុះខ្លួនឯង នៅព្រះវិហារបី និងសណ្ឋាគារប្រណីតចំនួន 3 កាលពីថ្ងៃអាទិត្យ។ ក្រុមភេរវករ ISIL បានអះអាងទទួលខុសត្រូវចំពោះការវាយប្រហារនេះ៕