បុរសម្នាក់សង្ស័យងោកមួយភាំងរេចង្កូតបើកធ្លាក់ផ្លូវ បណ្ដាលរងរបួស
ភ្នំពេញៈបុរសម្នាក់បានបើករថយន្ត សណ្តោងកុងន័រ ធ្វើដំណើរផ្លូវ សុខៗក៍ស្រាប់តែ ងោកមួយភាំងទើប ទើបបណ្ដាលអោយ រថយន្តរេចង្កូត ក្រឡាប់ធ្លាក់ផ្លូវ គាប់ជាប់អ្នកបើកបរ នៅក្នុង កាប៊ីនរថយន្ត រងរបួសធ្ងន់ផងដែរ
ហេតុការណ៍នេះដែរ បានកើតឡើង កាលពីវេលាម៉ោង ៤ទៀបភ្លឺ ឈានចូលថ្ងៃទី៣ ខែមេសា ឆ្នាំ២០១៩ ជិតនិងផ្ទះសំណាក់ភ្នំមាស ផ្លូវថៃហ្គ័រ ភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ
តាមប្រភពពត៌មាន ពីន្លែងកើតហេតុ បានអោយដឹងថា មុនពេលកើតហេតុ គេបានឃើញ បុរសម្នាក់ បានបើករថយន្ត រថយន្ត សណ្តោងកុងន័រ ម៉ាក នីសាន ពណ៌ស បានធ្វើដំណើរតាមផ្លូវ ថៃហ្គរ ក្នុងទិសដៅ ពីត្បូងទៅជើង ក្នុងល្បឿនលឿន ខណះមកដល់ចំនុចកើត ដោយសារតែអ្នកបើក ងងុយដេក ងោកមួយភាំងទើប ទើបបណ្ដាលរថយន្ត រេចង្កូតទៅខាងឆ្វេងដៃ ក្រឡាប់ធ្លាក់ផ្លូវ ផ្ទប់ក្បាលរថយន្ត ទៅធ្លាក់ផ្លូវនិងជាប់អ្នកបើកបរ នៅក្នុងរថយន្ត បណ្តាលអោយរងរបួស ជើងទាំងយ៉ាងធ្ងន់តែម្តង ភ្លាមៗនោះដែរ គេបានឃើញ បងប្អូនព្រមសមត្ថកិច្ចមូលដ្ឋាន និង ជំនាញចរាចរណ៍ខណ្ឌច្បារអំពៅ បានចុះទៅកន្លែងកើតហេតុ ព្រមទាំងបាន ហៅរថយន្តកុងន័រមួយគ្រឿងទៀត ដែលធ្វើដំណើរឆ្លងកាត់ទីនោះ អោយជួយ អូសទាញ់ កាប៊ីនរថយន្តឡើងមកលើគោក ដើម្បីយកមនុស្សចេញ បន្ទាប់ពីធ្វើការជួយសង្គ្រោះ អស់រយះៈពេល ជាងមួយម៉ោង ទើបអាចជួយយកជនរងគ្រោះចេញពីក្នុង កាប៊ីនរថយន្ត បាន បន្ទាប់ពីជួយបានហើយ ជនរងគ្រោះត្រូវរថយន្តសង្គ្រោះ របស់មន្ទីពេទ្យ បង្អែកច្បារអំពៅ បានមកដឹកយកទៅសង្គ្រោះផងដែរ ។
លោក ឯក សារ៉េន អធិការរងទទួលផ្នែកចរាចរណ៍ខណ្ឌច្បារអំពៅបានអោយដឹងថាមានគ្រោះចរាចរណ៍រវាងរថយន្តកុងតឺរន័របើកបរបុរសឈ្មោះ គាន ប្រុស អាយុ៣៤ឆ្នាំ មុខរបរបើកបរ ស្នាក់នៅភូមិប្រាសាទ ឃុំ ប្រាសាទ ស្រុក កំពង់ត្របែក ខេត្តព្រៃវែង សង្ស័យងងុយដេកទើបបើកធ្លាក់ផ្លូវនិងបណ្ដាលរងរបួសអ្នកបើកបរគៀបជាប់និងកាបុិនរថយន្តហើយក្រោយមកក៏មានរថយន្តសង្រ្គោះចុះមកកន្លែងកើតហេតុដើម្បីយកទៅព្យាបាលនៅមន្ទីរពេទ្យកាល់ម៉ែត្រដោយរបួសជើងខាងឆ្វេងនិងបាក់ម្រាមជើងផងហើយចំណែករថយន្តបានប្រគល់អោយទៅក្រុមហ៊ុនវិញដោយសារមិនបង្កអោយអ្នកដទៃរងរបួសឬខូចខាតសម្បត្តិសាធារណ:ដោយសមត្ថកិច្ចជំនាញបានចុះមកត្រួតពិនិត្យកន្លែងកើតហេតុជាក់ស្ដែង ។