រមណីយដ្ឋានតាតៃ ខេត្ដកោះកុង ជាទីទាក់ទាញ ភ្ញៀវទេសចរណ៍ជាតិ និងអន្ដរជាតិជាច្រើនមកទស្សនា រដូវក្ដៅ
កោះកុង ៖ រមណីយដ្ឋានទឹកជ្រោះធម្មជាតិតាតៃ ក្នុងខេត្តកោះកុង ជាទីកន្លែងសម្រាកលម្ហែកម្សាន្តដ៏ទាក់ទាញ មួយនារដូវក្ដៅនេះ ដោយទដោយទទួលបានភ្ញៀវទេសចរជាតិ និងអប្សរាជាតិជា ច្រើនមកទស្សនា មិនដាច់ យ៉ាងហោចណាស់ពី ១៥០ ទៅ២០០នាក់ដែរ ក្នុងមួយ ថ្ងៃ។
លោក ធិន សម្បត្តិ មេឃុំតាតៃ តំណាងឱ្យប្រធានសហគមន៍ទឹកជ្រោះតាតៃ បានឱ្យដឹងនៅថ្ងៃសៅរ៏១កើត ខែពិសាខ ឆ្នាំកុរឯកស័កព.ស ២៥៦២ត្រូវនិងថ្ងៃ០៤ ឧសភា ឆ្នាំ២០១៩នេះ
ថា ៖ ក្រោយថ្ងៃបុណ្យចូលឆ្នាំថ្មី រួចមក សង្កេតឃើញថា មាន អ្នកទេសចរជាតិ និងអន្តរជាតិ នៅតែចាប់អារម្មណ៍ទៅលេងសម្រាក លម្ហែកម្សាន្តនៅរមណីយដ្ឋាននេះ ដោយសារវាមានម្លប់ឈើ និងទឹកត្រជាក់ថ្លាយង់គួរចង់មុជលេង។
លោក បានឱ្យដឹងទៀតថា សហគមន៍ទេសចរណ៍មួយនេះ មានទឹកជ្រោះ សម្រាប់ឱ្យភ្ញៀវមុជលេង កម្សាន្ត គេចចេញពីភាពក្ដៅ ដែលបង្កដោយការប្រែប្រួលអាកាសធាតុ។ ក្រៅពីមុជទឹក អ្នកទេសចរ អាចជិះ ទូកទៅលេងចម្ការផ្លែឈើរបស់ប្រជាកសិករតាមដងព្រែកផងដែរ ខណៈរដូវផ្លែឈើដល់ពេលប្រមូលផល ហើយដែរ។
ដោយឡែក ក្រុមអ្នកទេសចរជាតិ មកពីខេត្តសៀមរាប និងខេត្តកំពង់ស្ពឺ វិញ បានបង្ហាញពីចំណាប់អារម្មណ៍ដែលហេតុពួកគាត់មកលេងរមណីយដ្ឋានតាតៃថា ការនាំក្រុមគ្រួសារទីនេះ ដោយសារតែមានខ្យល់អាកាសបរិសុទ្ធល្អ មានទឹកជ្រោះងូត ខណៈអាកាសធាតុក្តៅខ្លាំង ពិសេសគឺចង់ទិញផ្លែឈើស្រស់ដាំដោយដៃរបស់កសិករតែម្តង។
អំឡុងថ្ងៃបុណ្យឆ្នាំថ្មី ប្រពៃណីជាតិខ្មែរ កន្លងទៅ រមណីយដ្ឋានទឹកជ្រោះតាតៃ បានទទួលភ្ញៀវទេសចរជាង៤ពាន់៥០០នាក់ ដែលបានទៅសម្រាកលម្ហែកកម្សាន្តគយគន់ព្រៃ ព្រឹក្សាតាមដងព្រែកធម្ម ជាតិ ផ្ទះបណ្តែតទឹក និងមុជទឹកជ្រោះ។ ហើយការចូលលេងកម្សាន្តរបស់អ្នកទេសចរ អាចអស់ថវិកា ចាប់ពី១៦ដុល្លារឡើងទៅ តាមរយៈទិញសំបុត្រជិះទូក៕ ដោយ៖ សារីទ្ធី