វិហារឥស្លាមមួយនៅអាមេរិកត្រូវបានដុត ដោយចេតនា កាលពីថ្ងៃអាទិត្យថ្មីៗនេះ

អាមេរិក៖ វិហារឥស្លាមឈ្មោះឌីយ៉ានេតនៅអាមេរិក ត្រូវបានភ្លើងឆាបឆេះនៅរសៀលថ្ងៃអាទិត្យកន្លងទៅនេះ ដែលជាឧបទ្ទវហេតុចុងក្រោយ បង្អស់នៃការដុតបំផ្លាញកន្លែងគោរពប្រណិបត្តិសាសនា នៅក្នុងប្រទេសនេះ។

ប្រភពព័ត៌មានពីTRTបានដកស្រង់សម្តីដែលលើកឡើង ពីមន្រ្តីអគ្គីភ័យម្នាក់ដែលថា អ្នកគ្រប់គ្រងនៅវិហារឥស្លាមបាន និយាយថាអគ្គិភ័យនេះត្រូវបាន ចាប់ផ្តើមដោយចេតនាហើយថា អាជ្ញាធរកំពុងស៊ើបអង្កេតរឿងនេះនេះ។ អ្នកគ្រប់គ្រងវិហារនៅវិហារDiyanet Mosque ក្រុងNew Haven, Connecticut បាននិយាយថាមន្ត្រីពន្លត់អគ្គីភ័យ បានបញ្ជាក់ថាភ្លើងឆេះត្រូវបានចាប់ផ្តើម ដោយមានចេតនាហើយ ក្រុមស៊ើបអង្កេតសហព័ន្ធបានព្យាយាម ស្វែងរកអ្នកដែលទទួលខុសត្រូវ។ ពុំមានអ្នករងរបួសឡើយក្នុងអគ្គីភ័យនេះ។

អ្នកគ្រប់គ្រងវិហារបាននិយាយនៅលើទំព័រហ្វេសប៊ុកថា “យើងថ្កោលទោសយ៉ាងខ្លាំង ចំពោះការដុតបំផ្លាញ និងអំពើហឹង្សានេះនៅក្នុង កន្លែងគោរពប្រណិបត្តិសាសនា” ។

គួបញ្ជាក់ថាមជ្ឈមណ្ឌលឥស្លាម Diyanet នៅអាមេរិកនេះត្រូវបាន បង្កើតឡើងដោយជនជាតិមូស្លីមទួរគីអាមេរិកាំង ដើម្បីផ្តល់សេវាសាសនាអប់រំ និងសង្គមដល់សហគមន៍ឥស្លាមភាគច្រើន នៅតំបន់ឆ្នេរសមុទ្រអាមេរិក ភាគឦសាន។