នគរបាលប្រឆាំងបទល្មើសសេដ្ឋកិច្ច បង្ក្រាប ទីតាំងក្រុមហ៊ុនហុងថន ដែលផលិតឡេគ្រឿងសម្អាងគ្មានច្បាប់អនុញ្ញាត

ភ្នំពេញ៖ លោកឡុង ស្រេង បានថ្លែងថា នគរបាលប្រឆាំងបទល្មើសសេដ្ឋកិច្ច ថ្ងៃទី២០ ខែមិថុនា ឆ្នាំ២០១៩ ដឹកនាំដោយឯកឧត្ដម ឧត្ដមសេនីយ៍ឯក ចាន់ វ៉ាន់ធឿន ប្រធាននាយកដ្ឋាន សហការជាមួយមន្ដ្រីក្រសួងសុខាភិបាល នគរបាលប្រឆាំងបទល្មើសសេដ្ឋកិច្ចរាជធានីភ្នំពេញ និងអាជ្ញាធរមូលដ្ឋាន ដោយមានការសម្របសម្រួលពីអ្នកស្រី កែវ សុគន្ធា ព្រះរាជអាជ្ញារងអមសាលាដំបូងរាជធានីភ្នំពេញ បានចុះបង្ក្រាប ទីតាំងក្រុមហ៊ុនហុងថន ខសបេធីក ឯ ក ដែលផលិតឡេគ្រឿងសម្អាងគ្មានច្បាប់អនុញ្ញាត នៅផ្ទះគ្មានលេខ ផ្លូវបេតុង ភូមិទ្រា៣ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ៕