ប្រជាជនក្រីក្រនិងពិការភាព២គ្រួសារបានទទួល អំណោយពីអនុសាខាកាកបាទក្រហមកម្ពុជាខណ្ឌចំការមន
ភ្នំពេញ៖កាលពីរសៀលថ្ងៃទី១៦ខែសីហាឆ្នាំ២០១៩នេះអនុសាខាកាកបាទក្រហមកម្ពុជាខណ្ឌចំការមន ដឹកនាំដោយលោក ថេង សុថុល អភិបាលខណ្ឌចំការមន និងជាប្រធានអនុសាខាកាកបាទក្រហមកម្ពុជាខណ្ឌចំការមន បានសហការជាមួយសាខាកាកបាទក្រហមកម្ពុជារាជធានីភ្នំពេញ នាំយកអំណោយមនុស្សធម៌អនុសាខាកាកបាទក្រហមកម្ពុជាខណ្ឌចំការមន និងសាខាកាកបាទក្រហមកម្ពុជារាជធានីភ្នំពេញ ចែកជូនដល់ប្រជាពលរដ្ឋដែលមានជីវភាពខ្វះខាត និងពិការភាពចំនួន ០២ គ្រួសារ ស្ថិតនៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ដោយក្នុង ០១ គ្រួសារៗ ទទួលបាន៖ អង្ករ ១ប៉ាវ ទឹកត្រី ២យួរ ទឹកស៊ីអ៉ីវ ២យួរ មី ១កេស ត្រីខ ២ឡូ សម្ភារៈសិក្សា និងថវិកាមួយចំនួនផងដែរ ហេីយចំពោះគ្រួសារដែលមានជនពិការ ទទួលបានរទេះរុញជនពិការចំនួន ០១គ្រឿង ពីសាខាកាកបាទក្រហមកម្ពុជារាជធានីភ្នំពេញ៕
