គាស់តូបលក់ដូរអីវ៉ាន់ យកទូរស័ព្ទអស់ជាង៨០គ្រឿង នៅស្រុកសង្កែ
បាត់ដំបង៖ នគរបាលខេត្តបាត់ដំបង បានបើកប្រតិបត្តិការបំបែកសំបុក្រចោ លួចទ្រព្យសម្បត្តិ គាស់តូបលក់ដូរអីវ៉ាន់ យកទូរស័ព្ទជាង៨០គញរឿង នៅស្រុកសង្កែ ហើយត្រូវបានកសាងសំណុំរឿងបញ្ជូនទៅសាលាដំបូងខេត្តបាត់ដំបង ។
នគរបាលខេត្តបាត់ដំបងបំបែកសំបុក្រចោរលួចទ្រព្យសម្បត្តិនៅស្រុកសង្កែ ខេត្តបាត់ដំបង៖ អនុវត្តតាមបទបញ្ជា របស់លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង លោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទណ្ឌ នៃស្នងការដ្ឋានបានដឹកនាំកម្លាំងនគរបាលក្នុងផែនជំនាញមួយនេះ រួមគ្នាជាមួយកម្លាំងនគរបាល នៃអធិការដ្ឋាននគរបាលស្រុកសង្កែ ធ្វើការស្រាវជ្រាវស៊ើបអង្កេតរហូតឈានដល់ ការឃាត់ខ្លួនជនសង័្សយចំនួន០១នាក់ឈ្មោះ វ៉នឡាវ៉ាន់ណាលិះ ភេទប្រុស អាយុ២២ឆ្នាំរស់នៅភូមិ អន្លង់វិល ឃុំ អន្លង់វិល ស្រុកសង្កែ ខេត្តបាត់ដំបង ព្រមទាំងដកហូតវត្ថុតាងពាក់ព័ន្ធករណីចោរកម្មមួយចំនួន នាថ្ងៃទី ៧ ខែ មករា ឆ្នាំ២០២០ ។
សូមបញ្ជាក់ជូនថា ពីថ្ងៃទី៦ ខែ មករា ឆ្នាំ២០២០ ចំណុក្រុម១២ ភូមិអន្លង់វិល ឃុំអន្លង់វិល ស្រុកសង្កែ ខេត្តបាត់ដំបង ក្នុងវេលាចន្លោះពីម៉ោង០២និង០០នាទី ទៅដល់ម៉ោង០៣និង០០នាទី រំលងអធ្រាត្រ មានជនសង័្សយមិនស្គាល់អត្តសញ្ញាណ នឹង មិនដឹងចំនួន បានយកកន្ត្រៃកាត់និងគាស់ទម្លុះជញ្ជាំងសង្ក័សី តូបលក់ដូររបស់ឈ្មោះ ភួយ លាងអេង ភេទប្រុស អាយុ៦០ឆ្នាំ មានទីលំនៅចំណុចកើតហេតុខាងលើ និងលួចយកទូរស័ព្ទអស់ជាច្រើនគ្រឿង។
ក្នុងពេលនេះសមត្ថកិច្ចនគរបាលកំពុងស្រាវជ្រាវ តាមចាប់ខ្លួនបក្ខពួកជាជនដៃដល់ និងស្វែងរកសម្ភារ:ជាភស្តុតាងបន្ថែមទៀត ដើម្បីយកមកប្រគល់ជូនជនរងគ្រោះវិញ ជនសង័្សយខាលើនេះ កសាងសំណុំរឿងបញ្ជូនទៅសាលាដំបូងខេត្តបាត់ដំបង ចាត់ការតាមផ្លូវច្បាប់៕
