ប្រជាជនក្រខ្សត់ចំនួន៦៥គ្រួសារ នៅសង្កាត់ព្រែកថ្មី បានទទួលអំណោយ
ភ្នំពេញ៖ក្រុមគ្រួសារក្រខ្សត់ចំនួន៦៥គ្រួសារដែលរស់នៅភូមិព្រែកថ្មី១សង្កាត់ព្រែកថ្មីខណ្ឌច្បារអំពៅរាជធានីភ្នំពេញបានទទួលការអាណិតអាសូរពីថ្នាក់ដឹកនាំប្រធានសហភាពសហព័ន្ធយុវជនកម្ពុជានិងលោកចៅសង្កាត់ព្រែកថ្មីដោយបានចុះសាកសួរសុខទុក្ខបងប្អូនប្រជាជននៅតាមខ្នងផ្ទះនិមួយៗនិងនាំយកនូវអំណោយទៅជួយឧបត្ថម្ភដល់ពួកគាត់ដើម្បីទុកដោះស្រាយជីវភាពព្រឹកថ្ងៃទី២៣ខែមេសាឆ្នាំ២០២០នេះ។
លោកលីវ វណ្ណថេង ចៅសង្កាត់ព្រែកថ្មីអោយដឹងថាចំពោះអំណោយយកមកផ្ដល់ជូនប្រជាជនក្រខ្សត់នៅពេលនេះដោយក្នុងមួយគ្រួសារៗទទួលបានឃីត១កញ្ចប់ដែលជាអំណោយឯកឧត្ដមហ៊ុន ម៉ានី និង ថវិកា២មុឺនរៀល,ព្រមទាំងចែកម៉ាស,ទឹកអាកុលជាណោយចៅសង្កាត់ព្រែកថ្មីលីវ វណ្ណថេង។
លោកលីវ វណ្ណថេងចៅសង្កាត់ព្រែកថ្មីបានមានមតិលើកឡើងយ៉ាងក្បោះក្បាយថាថ្វីត្បិតអំណោយផ្ដល់ជូនបងប្អូននៅពេលនេះពិតជាមានសារះសំខាន់ណាស់ដោយនេះគឺជាទឹកចិត្តអាណិតអាសូររបស់ថ្នាក់ដឹកនាំនិងអាជ្ញាធរសង្កាត់ព្រែកថ្មីហើយអំណោយទាំងអស់នេះនិងបានជួយចែករំលែករាល់ការលំបាក់បានមួយគ្រាផងដែ។
ឆ្លៀតក្នុងឱកាសនោះដែរលោកចៅសង្កាត់ព្រែកថ្មីលីវ វណ្ណថេងក៏បានធ្វើការណែនាំដល់បងប្អូនប្រជាជនទាំងអស់អោយគាត់ចេះមើលថែទាំសុខភាពរនិងអនុវត្តវិធានការ បង្ការទប់ស្កាត់តាមការណែនាំរបស់ក្រសួងសុខាភិបាល ពោលគឺយើងរួមគ្នាប្រយុទ្ធប្រឆាំងមេរោគកូវីដ១៩តាមការណែនាំរបស់ក្រសួងសុខាភិបាល៕
