សម្ដេចតេជោហ៊ុនសែនបង្ហោះរូបភាពអង្គុយលេងនៅមុខឆ្នេរសមុទ្រក្នុងខេត្ដព្រះសីហនុអមនឹងខ្លឹមសារនិយាយពីការផ្លាស់ប្ដូរតួនាទី

ភ្នំពេញ៖សម្ដេចតេជោ ហ៊ុន សែន ប្រមុខរដ្ឋស្តីទី នៅរសៀលថ្ងៃទី០៥ ខែធ្នូ ឆ្នាំ២០២៥នេះ បានបង្ហោះរូបភាពដែលសម្ដេចកំពុងតែអង្គុយលេង និងមុជទឹកសមុទ្រ ក្នុងខេត្ដព្រះសីហនុ អមនឹងខ្លឹមសារ និយាយពីការផ្លាស់ប្ដូរតួនាទី ពីនាយករដ្ឋមន្ដ្រី មកជាប្រមុខរដ្ឋស្ដីទី។

តាមរយៈ Facebook Page ផ្លូវការ របស់សម្ដេចតេជោ បានសរសេរថា «ចាប់ពីខែឧសភា ២០២៣ ដល់ខែធ្នូ ២០២៥ រយៈពេលជាង២ឆ្នាំ ទើបមកកន្លែងនេះវិញ។ រូបរាងមិនផ្លាស់ប្តូរ ច្រើនទេ តែអ្វីដែល ផ្លាស់ប្តូរ គឺពីនាយករដ្ឋមន្ត្រី មកជាប្រធានព្រឹទ្ធសភា ប្រធានឧត្តមក្រុមប្រឹក្សាផ្ទាល់ព្រះមហាក្សត្រ និងថ្ងៃនេះបំពេញមុខងារជាប្រមុខរដ្ឋស្តីទីផងដែរ»៕