ពិព័ណរូបថតជាច្រើនផ្ទាំងបង្ហញពីសមិទ្ធផលនានា និងការងារអភិវឌ្ឍទីក្រុងភ្នំពេញលេីគ្រប់វិស័យក្នុងសម័យតេជោ-ធិបតី
ភ្នំពេញ៖រូបថតសកម្មភាពចម្រុះជាច្រើនផ្ទាំងស្ដីពីសមិទ្ធផលនានា និងការងារអភិវឌ្ឍទីក្រុងភ្នំពេញលេីគ្រប់វិស័យក្នុងសម័យតេជោ-ធិបតី ត្រូវបានដាក់តាំងពិព័រណ៍នៅក្នុងពិធីសន្និបាតបូកសរុបលទ្ធផលការងារឆ្នាំ២០២៥ និងលេីកទិសដៅការងារសម្រាប់ឆ្នាំ២០២៦ របស់រដ្ឋបាលរាជធានីភ្នំពេញបន្ទាប់ពីឆ្លងកាត់នូវរឿងរ៉ាវប្រវត្តិសាស្ត្រជាច្រើន រាជធានីភ្នំពេញបានបំលែងខ្លួនពីទីក្រុងគ្មានមនុស្សនៅ ទៅជាទីក្រុងដែលជាបណ្ដុំនៃការរស់នៅប្រកបដោយប្រណិតភាព តំបន់ទេសចរណ៍ដ៏រស់រវើក មានការអភិវឌ្ឍសេដ្ឋកិច្ច និងសង្គមបានយ៉ាងឆាប់រហ័សគួរឱ្យកត់សម្គាល់។
ការយកចិត្តទុកដាក់ និងកិច្ចខិតខំប្រឹងប្រែងអស់រយៈពេលជាងសាមសិបឆ្នាំកន្លងមកនេះ រាជរដ្ឋាភិបាលក្នុងនីតិកាលកន្លងមក ក្រោមការដឹកនាំដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ ហ៊ុន សែន និងរាជរដ្ឋាភិបាលនីតិកាលទី៧ ក្រោមការដឹកនាំប្រកបដោយភាពឈ្លាសវៃបំផុតរបស់ សម្តេចមហាបវរធិបតី បានធ្វើឲ្យព្រះរាជាណាចក្រកម្ពុជា ជាពិសេសរាជធានីភ្នំពេញមានការអភិវឌ្ឍយ៉ាងឆាប់រហ័ស និងសម្រេចបាននូវស្នាដៃ និងសមិទ្ធផលជាប្រវត្តិសាស្ត្រជាច្រើន។មុនពិធីបិទសន្និបាតបូកសរុបលទ្ធផលការងារ ប្រចាំឆ្នាំ២០២៥ និងលើកទិសដៅការងារឆ្នាំ២០២៦ របស់រដ្ឋបាលរាជធានីភ្នំពេញឯកឧត្តម ឃួង ស្រេង អភិបាលរាជធានីភ្នំពេញបានជម្រាបជូនឯកឧត្តម ស៊ុន ចាន់ថុល ឧបនាយករដ្ឋមន្ត្រី ទទួលបន្ទុកជាអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា និងជាប្រធានក្រុមការងាររាជរដ្ឋាភិបាលចុះមូលដ្ឋានរាជធានីភ្នំពេញពីរូបភាពជាច្រើនផ្ទាំងខាងលើបានបង្ហាញពីសមិទ្ធផលនានា និងការងារអភិវឌ្ឍទីក្រុងភ្នំពេញលេីគ្រប់វិស័យក្នុងសម័យតេជោ-ធិបតី និងរឿងរ៉ាវប្រវត្តិសាស្ត្រជាច្រើន របស់រាជធានីភ្នំពេញបានបំលែងខ្លួនពីទីក្រុងគ្មានមនុស្សនៅ ទៅជាទីក្រុងដែលជាបណ្ដុំនៃការរស់នៅប្រកបដោយប្រណិតភាព តំបន់ទេសចរណ៍ដ៏រស់រវើក មានការអភិវឌ្ឍសេដ្ឋកិច្ច និងសង្គមបានយ៉ាងឆាប់រហ័សគួរឱ្យកត់សម្គាល់។ខណៈនោះឯកឧត្តម ស៊ុន ចាន់ថុល បានកោតសរសើរចំពោះឯកឧត្ដមឃួង ស្រេង អភិបាលរាជធានីភ្នំពេញនិងគណៈអភិបាលព្រមទាំងថ្នាក់ដឹកនាំរាជធានីបានខិតខំប្រឹងប្រែងបំពេញការងារអភិវឌ្ឍទីក្រុងភ្នំពេញលេីគ្រប់វិស័យទទួលបានផ្លែផ្កាដូចសព្វថៃនេះ៕
