សូត្រ ខេវិន និងព្រឿង សុជាតិឡើងវគ្គពាក់កណ្ដាលផ្ដាច់ព្រ័ត្រ
ភ្នំពេញ៖ អ្នកប្រដាល់សូត្រ ខេវិនក្លិបបក្សីស្លាបដែកបានឡើងប្រកួតបន្តនៅវគ្គពាក់
កណ្ដាលផ្ដាច់ព្រ័ត្រនៃព្រឹត្តិការណ៍TV5 Boxing Knock-Out Serie by K-Cement បន្ទាប់ពីប្រើជង្គង់
ផ្ដួលអ្នកប្រដាល់រ៉ែម រាជក្លិបអង្គរមានជ័យខេត្តសៀមរាបឲ្យសន្លប់នៅមុនស្នូរជួងបញ្ចប់ទឹកទី
៣មកនោះ ។
រ៉ែម រាជប្រើកណ្ដាប់ដៃវ៉ៃបានល្អនិងចំគោលដៅបានច្រើនតែដោយសារតែកំពស់គេ
ទាបជាងខេវិននោះបានធ្វើឲ្យគេជួបការលំបាក។ក្នុងស្ថានភាពបែបនេះរ៉ែមរាជបានបង្ខំចិត្តវ៉ៃប្ដូរទោះបីមួយចានទឹកមួយចានគោកក៏ដោយ ។
នៅទឹកទី២ជង្គង់របស់ខេវិនបានធ្វើឲ្យរ៉ែម រាជដួលហើយត្រូវអាជ្ញាកណ្ដាលរាប៨តែ
បន្ទាប់ពីរាប់៨ហើយគេអាចបន្តការប្រកួតបានទៀតរហូតចប់ទឹកទី២ ។មកដល់ទឹកទី៣រ៉ែម រាជត្រូវអាជ្ញាកណ្ដាលរាប់៨ម្ដងទៀតតែគេបន្តការប្រកួតបានទៀត ។
នៅពាក់កណ្ដាលទឹកទី៣រ៉ែម រាជត្រូវខេវិនអុកមួយជង្គង់ឲ្យដួលម្ដងទៀតដែលការ
ដួលលើកនេះគេបង្ខំចិត្តចុះចាញ់តែម្ដង។រ៉ែម រាជខ្ទាតចេញពីការប្រកួតនៅត្រឹមទឹកទី៣នេះ
ក្នុងខណៈដែលសូត្រ ខេវិនកក់កៅអីនៅវគ្គពាក់កណ្ដាលផ្ដាច់ព្រ័ត្រ ។
ប្រកួតក្នុងព្រឹត្តិការណ៍នេះដែរអ្នកប្រដាល់ព្រឿង សុជាតិក្លិបកងពលធំអន្តរាគមន៍លេខ
២នៃក្រសួងការពារជាតិប្រកួតឈ្នះអ្នកប្រដាល់លាប រដ្ឋាក្លិបដីឡូតិ៍មានរិទ្ធដោយពិន្ទុទាំងប្រ
ផិតប្រផើយ ។
ជ័យជំនេះបានធ្វើឲ្យសុជាតិមានកៅអីសម្រាប់ប្រកួតបន្តទៅវគ្គពាក់កណ្ដាលផ្ដាច់ព្រ័ត្រ
ចំពោះលាប រដ្ឋាខ្ទាតចេញពីការប្រកួតតែត្រឹមនេះហើយ ។
ការប្រកួតក្រៅព្រឹត្តិការណ៍ពានរង្វាន់រវាងអ្នកប្រដាល់រួមជាតិវិញនោះជ័យ ស៊ីណេត
ក្លិបឃ្លាំងមឿងកីឡាប្រកួតចាញ់សៀវ ង៉ុយក្លិបកងពលធំអន្តរាគមន៍លេខ២ដោយពិន្ទុទាំងមិន
អស់ចិត្តបន្ទាប់ពីប្រកួតគ្នា៥ទឹកពេញនោះ ។
ការប្រកួតជាមិត្តភាពជាមួយថៃវិញនោះធន អៀងឡៃសមាគមប្រដាល់ក្រសួងការពារ
ជាតិប្រកួតឈ្នះអ្នកប្រដាល់ថៃភេចសារ៉ាខាន់(Phich Sarakhan)ដោយពិន្ទុទាំងមិនសូវស្រួល
ខ្លួន ៕
