អ្នកលេងនៅជនបទ ប្រើពូថៅ និងដំបង វាយគូទំនាស់រងរបួស ត្រូវចាប់ខ្លួន

បាត់ដំបង៖ នគរបាលខេត្ត ចាប់ជនសង័្សយមួយក្រុម បង្កហិង្សាដោយចេតនាបណ្តាលឲ្យអ្នកដទៃរងរបួសស្នាមត្រូវឃាត់ខ្លួននៅក្រុងបាត់ដំបង។

ពីយប់ថ្ងៃ សុក្រ ៣កើត ខែ មិគសិរ ឆ្នាំកុរឯកស័ក ព.ស.២៥៦៣ ត្រូវនឹងថ្ងៃទី២៩ ខែ វិច្ឆិកា ឆ្នាំ២០១៩ វេលាម៉ោង១៩និង២០នាទី អនុវត្តតាមបទបញ្ជារប ស់ លោកឧត្តមសេនីយ៍ទោ អ៊ុច សុខុន ស្នង ការ នៃស្នងការដ្ឋាននគរបាលខេត្តបាត់ដំបង និងអនុវត្តតាមមតិដឹកនាំរបស់លោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទណ្ឌនៃស្នងការដ្ឋាន កម្លាំងជំនាញផ្នែកព្រហ្មទ័ណ្ឌនៃអធិ ការដ្ឋាននគរបាលក្រុងបាត់ដំបង ដែលមាន លោកវរសេនីយ៍ឯក ឆាង វណ្ណឆៃ ជាអធិការនគរ បាលក្រុងបាត់ដំបងបានធ្វើការឃាត់ខ្លួនជន សង័្សយ ចំនួន០៥÷
១-ឈ្មោះ ពៀន បៀន ភេទប្រុស អាយុ ៣៤ឆ្នាំ
២-ឈ្មោះ នី ណារី ភេទប្រុស អាយុ ៣១ឆ្នាំ
៣-ឈ្មោះ ហៀន ចិន ភេទប្រុស អាយុ ៣១ឆ្នាំ
៤-ឈ្មោះ ធី លី ភេទប្រុស អាយុ ២០ឆ្នាំ
៥-ឈ្មោះ ងៀន ងើប ភេទប្រុស អាយុ ២២ឆ្នាំ ។ ជនសង្ស័យទាំង ០៥នាក់នេះ មានទីលំនៅ ភូមិសំបកមាស ឃុំស្នាមព្រះ ស្រុកបាកាន ខេត្តពោធិសាត់ ដូចគ្នា មកធ្វើការជាកម្មករនៅក្រុងបាត់ ដំ បង ។

ជនសង័្សយខាងលើបានបង្កហិង្សាដោយចេតនាមានស្ថានទម្ងន់ទោស (ប្រើអាវុធ)ទៅលើជនរងគ្រោះឈ្មោះ រឿម សុខា ភេទប្រុស អា យុ២៨ឆ្នាំមានទីលំនៅភូមិវត្តលៀប សង្កាត់ចំការសំរោង ក្រុងបាត់ដំបង ខេត្តបាត់ដំបង បណ្តាលឲ្យរងរបួស នៅត្រង់ចំណុចក្រុមទី៤១ ភូមិព្រែក មហាទេព សង្កាត់ស្វាយប៉ោ ក្រុងបាត់ដំបង ។

ក្រោយពីឃាត់ខ្លួនសាកសួរ ស្រាវជ្រាវជន សង្ស័យខាងលើត្រូវបាននគរបាលកសាងសំ ណុំរឿងបញ្ជូនមកការិយាល័យជំនាញ នៅ ស្នងការដ្ឋានដើម្បីចាតការបន្តតាមផ្លូវច្បាប់៕