តារាសិល្បៈ សូនីកា ក្រោយពីផ្អាកសម្ដែងមួយរយៈ ងាកទៅប្រកបអាជីវកម្មជាមួយក្រុមហ៊ុនថែសម្ជស្សអាចរកប្រាក់បាន១០ម៉ឺន ដុល្លារ រយៈពេល៣ឆ្នាំ
ភ្នំពេញ៖ តារាស្រី មាន សូនីតា ត្រូវបានរាំងស្ទះក្រោយបញ្ហារាតត្បាត នៃជំងឺ Covid-19 ។ ទោះ ជាយ៉ាងណា នាងទទួលបានការងារធំមួយដែលគេដឹងថានាងអាចកើបប្រាក់បានរាប់ ម៉ឺនដុល្លារអា មេរិកឯណោះ។
ការរីករាលដាលនៃជំងឺ Covid-19 បានធ្វើឲ្យការ ងារសិល្បៈ និងអាជីវកម្មរបស់តារាប្រុសស្រីល្បី ឈ្មោះជាច្រើនផ្អាកដំណើរការ និងដួលរលំ ប៉ុន្តែ តារាសម្តែង ស្រីស្រស់សោភាកញ្ញា មាន សូនីតា ស្រាប់ តែទទួលបានឱកាសជាតារាស្រីតំណាងឲ្យក្រុមហ៊ុនឯកទេសថែរក្សាសម្ផស្សមួយមានឈ្មោះថា៖ TRE ជ្រើសរើសធ្វើជាតារាតំណាងផលិតផលរបស់ខ្លួនមាន រយៈដល់ទៅ ៣ឆ្នាំឯណោះ។ តាមកុងត្រានេះ មាន ការប៉ាន់ប្រមាណថា សូនីតាអាច នឹងទទួលបានថ្លៃឈ្នួលហត់នឿយរយៈពេល៣ឆ្នាំ ខ្ទង់ជិត ១០ម៉ឺន ដុល្លារអាមេរិកឯណោះ។ តារាស្រីរូបនេះទទួល ស្គាល់ថា ការងារសិល្បៈជាច្រើនរបស់នាងត្រូវបានរាំងស្ទះមិនខុសពីសិល្បករដទៃទេ ប៉ុន្តែនាង សប្បាយ ចិត្តដែលទទួលបានឱកាសធំមួយខាងលើ។ សូនីតាបានសុំសិទ្ធិ មិន អធិប្បាយលើប្រាក់ថ្លៃពលកម្ម របស់នាង ប៉ុន្តែបានទទួលស្គាល់ថា នាងពិតជាទើបបានកុងត្រាខាងលើរយៈពេល៣ ឆ្នាំពិត មែនលើផលិតផល ចំនួន២ គឺដំណាប់ និងសំបុកត្រចៀកកាំ។ រាជិនីក្រមា បញ្ជាក់ថា សមិទ្ធផលនេះបានប៉ះប៉ូវ ខ្លះលើការ ធ្លាក់ ចុះចំណូលដោយសារវិបត្តិមេរោគសាហាវ ដែល បាន និង កំពុងគំរាមកំហែងពិភពលោក។ ដូច្នេះហើយ នាងលើកឡើងថានាង ពិតជារីករាយ ចំពោះកិច្ចព្រម ព្រៀងការងារខាងលើ ។ កន្លងទៅចាស់ តារាស្រីរូប នេះ ក៏បាននិងបន្តកាន់តួនាទីជាតារាតំណាងផលិត ផលឲ្យក្រុមហ៊ុន៣-៤ ក្រុមហ៊ុនរួចទៅហើយដែរ នៅក្នុងនោះ មានទាំងផ្នែកទោចក្រយានយន្ត និងបរិក្ខារអេឡិចត្រូនិកជាដើម។
នាងបញ្ជាក់ថាតាមពិតទៅបើ តាមកញ្ញាមានសូនីតា បាន ឲ្យដឹងថាមានក្រុមហ៊ុនមួយចំនួនទៀតក៏បានមក ទំនាក់ទំនងនាងក្នុងបំណងយកនាងទៅធ្វើការងារ ក្នុង តំណែងដូចគ្នានេះដែរ។ ប៉ុន្តែចុង ក្រោយនាងក៏បានសម្រេចធ្វើការជាមួយ ក្រុមហ៊ុនខាងលើ ក្រោយពីបានសិក្សាមើលពី សក្ដានុពល គ្នាទៅវិញ ទៅមក។ ដូច្នេះហើយពួកគេទាំងពីរបានសម្រេចចុះកិច្ចព្រមព្រៀងការងារ ជាមួយគ្នាឆ្នាំទី១រួចរាល់កាលពី ពេលថ្មី ៗ ៕