ខ្លាចាស់សេន កុសល ជួបជាមួយអ្នកលេង ស្រករក្រោយឆូន បួន
ភ្នំពេញ៖អ្នកប្រដាល់ចាស់វស្សាសេន កុសលក្លិបមោងឬស្សីមរតកគុនខ្មែរត្រូវបានដាក់ឲ្យប្រកួតជាមួយអ្នកបលេងជើងថ្មីឆូន បួន
ក្លិបទ័ពឆ័ត្រយោង៩១១លើសង្វៀនខារ៉ាបាវរបស់អាស៊ីអាគ្នេយ៍រសៀលថ្ងៃទី២០មិថុនានេះ ។
អ្នកប្រដាល់ទាំង២រូបនេះប្រកួតគ្នាក្នុងប្រភេទទម្ងន់៥៧គីឡូក្រាម។នេះជាការជួបប្រកួតគ្នាលើកដំបូងហើយសម្រាប់អ្នកប្រដាល់
ទាំង២រូបនេះ ។ឆូន បួនស្គាល់សង្វៀនប្រដាល់ក្រោយកុសលទេតែគេហាក់ដូចជាឆាប់ប្រជែងបានភាពល្បីល្បាញបានលើឿនគ្រាន់បើដោយ
សារតែការប្រកួតរបស់គេភាគច្រើនបានទទួលជ័យជំនះមិនតែប៉ុណ្ណោះមានអ្នកប្រដាល់ជើងចាស់មិនតិចទេដែលចាញ់ក្រោមថ្វីដៃឆូន បួន ។
ជាមួយនឹងកម្លាំងដ៍អស្ចារ្យនោះអ្នកប្រដាល់រូបនេះមានភាពអំណត់ខ្ពស់ ចិត្តហ៊ាន និងមានផ្លែវ៉ៃចេញល្អ និង ភាគច្រើនចំគោលដៅ
ទៀតផង ។
សម្រាប់កុសលគេក៏មិនមែនជាអ្នកប្រដាល់ដែលស្រួលកបង្ក្រាបដែរ ។ស្នៀទាត់របស់អ្នកប្រដាល់រូបនេះអស្ចារ្យណាស់ការប្រកួត
កន្លងមកមានអ្នកប្រដាល់មិនតិចនាក់ទេដែលសន្លប់ក្រោមស្នៀតទាត់ផ្កាប់ចានរបស់គេ ។កណ្ដាប់ដៃ កែង និងជង្គង់ក៏មិនអាចមើលស្រាល
បានដែរ ។
ជំនួបនេះពួកកេសុទ្ធតែមានឧិកាសដើម្បីឈ្នះដូចគ្នាហើយបើនរណាហ៊ានប្រហែសនោះអាចនឹងសន្លប់ដោយមុនទឹកទី៥ ។គេជឿ
ថាអ្នកប្រដាល់ទាំង២រូបនេះនឹងប្រកួតគ្នា៥ទឹកហើយអ្នកចាញ់និងអ្នកឈ្នះប្រាកដជាទ្រមខ្លួនដូចគ្នាមិនខានឡើយ ។
សៅ វណ្ណាក្លិបយុវវាលស្បូវខ័ណ្ឌច្បារអំពៅត្រូវបានដាក់ឲ្យប្រកួតជាមួយអ្នកប្រដាល់ថៃ រ៉េតមកពីក្លិបទ័ពឆ័ត្រយោង៩១១ដោយប្រ
កួតគ្នាក្នុងប្រភេទទម្ងន់៦៣,៥០គីឡូក្រាម ។
អ្នកប្រដាល់ទាំង២រូបនេះក៏ទើបតែជួបប្រកួតគ្នាជាលើកដំបូងដែរ ។ថៃ រ៉េ និង សៅ វណ្ណាសុទ្ធតែជាអ្នកប្រដាល់ចិត្តខ្លាំងដូចគ្នានៅ
លើសង្វៀនគេមិនសូវចេះទុកឧិកាសឲ្យគូប្រកួតមានសេចក្ដីសុខឡើយគឺគេបើកការវាយលោករហូត ។ជំនួបមួយនេះមិនដឹងថានរណាចាញ់
នរណាឈ្នះនោះឡើយ ។
សឿម សារ៉ាន់ក្លិបព្រៃទទឹងកីឡាខេត្តបាត់ដំបងប្រកួតជាមួយអ្នកប្រដាល់រឿង សារិទ្ធក្លិបម្កុដរាជសីហ៍ ។អ្នកប្រដាល់ទាំង២រូបនេះ
ប្រកួតគ្នាក្នុងប្រភេទទម្ងន់៥៧គីឡូក្រាម ។
សារ៉ាន់មួយរយៈនេះគេលេចមុខលេចមាត់សម្បើមណាស់ដោយសារតែការប្រកួតរបស់គេភាគច្រើនបានទទួលជ័យជំនះ ។ចំពោះ
សារិទ្ធវិញក៏កំពុងតែធ្វើឲ្យគេចាប់អារម្មណ៍ដែរ តែអ្នកប្រដាល់រូបនេះហាក់ដូចជាមានអំណួតបន្តិច ។ការជួបគ្នាលើកលដំបូងនេះមិនដឹងថា
នរណាបានទទួលជ័យជំនះឡើយ ។
ធន អៀងឡេងក្លិបកងយោធពលខេមរភូមិន្ទត្រូវបានផ្គូរផ្គងឲ្យប្រកួតជាមួយអ្នកប្រដាល់រ៉ា រ៉យ៉ាក្លិបអេភូថងកីឡា ។ អ្នកប្រដាល់
ទាំង២រូបនេះប្រកួតគ្នាក្នុងប្រភេទទម្ងន់៥៤គីឡូក្រាម ។ផុន សុខវិបុលក្លិបជ្រៃសែនជ័យខេត្តកំពង់ស្ពឺប្រកួតជាមួយអ្នកប្រដាល់លីន សុផែន
ក្លិបបូរីរាជសីហ៍មានរិទ្ធដោយប្រកួតគ្នាក្នុងប្រភេទទម្ងន់៤៨គីឡូក្រាម ៕