សហព័ន្ធកីឡាគុនដាវអន្ដរជាតិសម្រេចលុបថ្លៃ សមាជិកភាព ជាសម្រាប់ឆ្នាំ២០២០ និងលុបចោលការប្រកួតនានា
ភ្នំពេញ៖លោក សុខ អាង អគ្គលេខាធិការសហព័ន្ធកីឡាគុនដាវកម្ពុជាបានប្រាប់ឲ្យដឹងសថា កាលពីថ្ងៃទីទី១០ ខែកក្កដា ឆ្នាំ២០២០សហព័ន្ធកីឡាគុនដាវអន្ដរជាតិបានប្រកាសជាផ្លូវការពីសេចក្ដីរបស់គណៈកម្មាធិការប្រតិបត្តិដឹកនាំប្រជុំដោយ លោក អាលីហ្សា អូស្មាណូវប្រធានសហព័ន្ធអន្ដរជាតិថាលុបថ្លៃសមាជិកភាពជាសម្រាប់ឆ្នាំ២០២០សម្រាប់សហព័ន្ធដែលបានបង់រួចនឹងធ្វើការទូទាត់សម្រាប់ឆ្នាំ២០២១ និងលុបចោលការប្រកួតជាច្រើនទៀត។
លោកបន្ដទៀតថា៖បច្ចុប្បន្នពិភពលោកកំពុងប្រកួតប្រជែនជាមួយជំងឺរាតត្បាតជាសកលCOVID19ក្នុងនោះរួមមានខឿនសេដ្ឋកិច្ចជាសកល សុខភាពមនុស្សលោក និងកម្លាំងចិត្តរបស់គ្រប់គ្នា។ កីឡាករ-កីឡាការិនី និងសហព័ន្ធជាតិទាំងអស់ត្រូវបានបង្ខំចិត្តកាត់បន្ថយ និងបញ្ឈប់គ្រប់សកម្មភាពស្ទើរទាំងស្រុង។ក្នុងន័យសាមគ្គីភាពនិងរួបរួមជាពិសេសជួយដល់គ្រួសារកីឡាគុនដាវរបស់ពួកយើងក្នុងដំណាក់កាលដ៏លំបាកនេះ សមាជិកប្រតិបត្តិទាំងអស់បានធ្វើសេចក្ដីសម្រេចដោយឥតប្រៀងទុកក្នុងការជួយដល់ក្រុមគ្រួសារមួយនេះ។
សេចក្ដីសម្រេចរបស់គណៈកម្មការប្រតិបត្តិរបស់សហព័ន្ធអន្ដរជាតិរួមមានលុបថ្លៃសមាជិកភាពជាសម្រាប់ឆ្នាំ២០២០សម្រាប់សហព័ន្ធដែលបានបង់រួចនឹងធ្វើការទូទាត់សម្រាប់ឆ្នាំ២០២១។ផ្ដល់ជូន៤០០០ហ្វ្រង់ស្វីសជាពិសេសដល់គ្រប់សហព័ន្ធកីឡាគុនដាវជាតិជាសមា
ជិក និងសហព័ន្ធទ្វីបនីមួយៗ ផ្ដល់ថវិកាចំនួន១០០០ អឺរ៉ូដល់អាជ្ញាកណ្ដាលដែលបានចាត់តាំងដោយសហព័ន្ធអន្ដរជាតិក្នុងរដូវកាល២០២០-២០២១លុបចោលថ្លៃរៀបចំការប្រកួតទាំងអស់សម្រាប់រដូវ២០២០២០២១និងចាប់ពីខែមករាដល់ខែមីនាឆ្នាំ២០២១និងថវិកាដែលបានផ្ដល់ជូនកីឡាករឬកីឡាការិនីម្នាក់ចូលរួមការប្រកួតយុវជនពិភពលោកឆ្នាំ២០២០ត្រូវបានបង្វែរទៅការចំណាយសម្រាប់ការចូលរួមការប្រកួតថ្នាក់ទ្វីបក្នុងឆ្នាំ២០២១។
លោកបានបន្តថាស្របពេលជាមួយគ្នានេះដែរគណៈកម្មការប្រតិបត្តិក៏សម្រេចចិត្តបន្ទាប់ពីមានការផ្ដល់យោបល់ពីគណៈកម្មការវេជ្ជសាស្ដ្រ ក្រុមប្រឹក្សាកីឡាគុនដាវវ័យចាស់ និងគណៈកម្មការអត្តពលិក រួមមាន ការប្រកួតជ្រើសរើសជើងឯកយុវជនពិភពលោកឆ្នាំ២០២០ ត្រូវបានលុបចោលសហព័ន្ធកីឡាគុនដាវអាមេរិកសម្រេចធ្វើជាម្ចាស់ផ្ទះការប្រកួតជ្រើសរើសជើងឯកកីឡាគុនដាវយុវជនឆ្នាំ២០២២ក្នុងខែមេសា ការប្រកួតជ្រើសរើសជើងឯកកីឡាគុនដាវវ័យចាស់ពិភពលោកឆ្នាំ២០២០ ត្រូវបានលុបចោល សហព័ន្ធកីឡាគុនដាវក្រូអាត សម្រេចធ្វើជាម្ចាស់ផ្ទះនៃការប្រកួតជ្រើសរើសកីឡាគុនដាវវ័យចាស់ពិភពលោកឆ្នាំ២០២២
លោអគ្គលេខាធិការបានបន្ថែមទៀតថាដោយសារព្រឹត្តិការណ៍កីឡាអូឡាំពិកលើកទៅឆ្នាំ២០២១ដូច្នេះការសម្រេចផ្ដល់ជាម្ចាស់ផ្ទះក្នុងការរៀបចំការប្រកួតជ្រើសជើងឯកកីឡាគុនដាវពិភពលោកឆ្នាំ២០២១ នៅប្រទេសអ៉េស៊ីប ត្រូវបានលើកទៅឆ្នាំ២០២២វិញ។ សម្រាប់សិទ្ធិចូលអូឡាំពិក ប្រសិនជាម្ចាស់ផ្ទះក្នុងឆ្នាំ២០២០ យល់ព្រម យើងនឹងរៀបចំវាម្ដងទៀតនៅប្រទេសទាំងនោះ ទាំងកាលបរិច្ឆេទ និងទីកន្លែងប្រកួត។ ហើយសម្រាប់ការប្រកួតដណ្ដើមសិទ្ធិថ្នាក់ទ្វីប នឹងរៀបចំចាប់ពីថ្ងៃទី១៥ ដល់៣០ ខែមេសា ឆ្នាំ២០២១ វិញ។ ការប្រលងអាជ្ញាកណ្ដាលក្នុងឆ្នាំ២០២០ត្រូវបានលើកទៅឆ្នាំ២០២១ ក្នុងចន្លោះខែកញ្ញាដល់ខែតុលា៕
