ប្រជាពលរដ្ឋក្រីក្រ និងជួបការលំបាក ចំនួន៣១គ្រួសារ នៅសង្កាត់ភ្លើងឆេះរទេះ ខណ្ឌកំបូល បានទទួលអំណោយពីអនុសាខាកាកបាទក្រហមខណ្ឌកំបូល
ភ្នំពេញ៖កាលពីថ្ងៃទី៧ ខែមករា ឆ្នាំ២០២១ លោក ឃឹម ស៊ុនសូដា អភិបាលខណ្ឌកំបូល និងជាប្រធានកិក្តិយសអនុសាខាកាកបាទក្រហមកម្ពុជាខណ្ឌកំបូល រួមជាមួយលោកស្រី ទេព កញ្ចនា ជាប្រធានអនុសាខាកាកបាទក្រហមកម្ពុជាខណ្ឌកំបូល លោក ហោ វាសនា អភិបាលរងខណ្ឌកំបូល និង លោក សេង គន្ធ អភិបាលរងខណ្ឌកំបូល បានដឹកនាំមន្ត្រីអនុសាខាកាកបាទក្រហមកម្ពុជាខណ្ឌកំបូល បានចុះសួរសុខទុក្ខ និងនាំយកអំណោយផ្តល់ជូនគ្រួសារបងប្អូនប្រជាពលរដ្ឋទីទាល់ក្រ ដែលជួបការលំបាកក្នុងអំឡុងពេលជំងឺកូវីដ១៩ មកពីភូមិចំនួន០២ គឺភូមិគោកខ្សាច់ និងភូមិត្រាញ់តាបាញ់ ស្ថិតក្នុងសង្កាត់ភ្លើងឆេះរទេះ ខណ្ឌកំបូល ចំនួន៣១គ្រួសារ ។
ក្នុងឱកាសនោះ លោកឃឹម ស៊ុនសូដា អភិបាលខណ្ឌកំបូល ក៏បានពាំនាំនូវការផ្តាំផ្ញើសាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និង លោក ឃួង ស្រេង អភិបាលរាជធានីភ្នំពេញ និងជាប្រធានគណៈកម្មាធិការសាខាកាកបាទក្រហមកម្ពុជារាជធានីភ្នំពេញ ដែលជានិច្ចកាល សម្ដេច និងថ្នាក់ដឹកនាំ តែងតែគិតគូ យកចិត្តទុកដាក់ខ្ពស់បំផុតលើការងារមនុស្សធម៌ ការលើកកំពស់កម្រិតជីវៈភាពរស់នៅរបស់ប្រជាជនទូទាំងប្រទេសតាមរយៈកិច្ចអភិវឌ្ឍន៍គ្រប់វិស័យឥតឈប់ឈរ និងរីកចម្រើនជាលំដាប់ ជាពិសេសការអនុវត្តវិធានការអនាម័យ តាមការណែនាំរបស់ក្រសួងសុខាភិបាល ដើម្បីចូលរួមការពារទប់ស្កាត់ការរាតត្បាតជំងឺកូវីដ១៩ ។
មន្ត្រីរដ្ឋបាលខណ្ឌកំបូលបានឱ្យដឹងថា៖អំណោយដែលអភិបាលខណ្ឌនាំយកមកចែកជូនក្នុងមួយគ្រួសាររួមមាន៖អង្ករ២៥ គីឡូក្រាមមី០១កេសសំភារះមួយកញ្ចប់ និងថវិកា៣០,០០០ រៀលទៀតផង៕