លោក កែវ រ៉េមី៖បង្ហាញមហិច្ឆតារដណ្ដើមមេដាយមាស១៥គ្រឿងនាឆ្នាំ២០២៣
ភ្នំពេញ៖ឯកឧត្តម កែវ រ៉េមី រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានសហព័ន្ធកីឡាតេក្វាន់ដូITF(International Taekwondo Federation)កម្ពុជានឹងជម្រុញឲ្យកីឡាករ កីឡាការិនីបង្កើនការហ្វឹកហាត់ទ្វេរដងដើម្បីធានាថា ត្រូវតែយកឲ្យបានមេដាយមាស១៥គ្រឿង។
ឯកឧត្តមបន្តថាយើងបានត្រៀមខ្លួនរួចជាស្រេចហើយសម្រាប់ដំណើរឆ្ពោះទៅដណ្តើមមេដាយកីឡាSEA GAMES 2023តាមរយៈការបង្កើនការហ្វឹកហាត់ និង ការពង្រឹងវិន័យ។
ក្នុងឧិកាសប្រកួតតម្លើងដាន់កន្លងមកប្រមុខតេក្វាន់ដូITFរូបនេះបានចាត់ទុកថា ការប្រកួតនេះជាយុទ្ធសាស្ត្រសម្រាប់កីឡាតេក្វាន់ដូ ITF កម្ពុជាក្នុងការស្វែងរកអត្តពលិកឆ្នើមចូលក្រុមជម្រើសជាតិ២០២១ ត្រៀមខ្លួនចូលរួមព្រឹត្តិការណ៍អន្តរជាតិនានាជាពិសេសការប្រកួតកីឡា SEA GAMES 2023ដែលកម្ពុជាធ្វើម្ចាស់ផ្ទះជាមួយគោលដៅឈ្នះមេដាយមាសតាមផែនការរបស់គណៈកម្មាធិការជាតិរៀបចំការប្រកួតកីឡា
អាស៊ីអាគ្នេយ៍ លើកទី៣២ ឆ្នាំ២០២៣ (CAMSOC)ដាក់មក។
ឯកឧត្តមកែវ រ៉េមីបានលើកឡើងថាទោះបីជាបែបនេះក៏យើងមិនមែនភ្លេចខ្លួនឬមើលស្រាលគេឬធ្វេសប្រហែសនោះឡើយគឺយើងតែងតែផ្តល់តម្លៃសម្រាប់ការហ្វឹកហាត់ដោយការហ្វឹកហាត់ត្រូវតែជឿជាក់លើខ្លួនឯងហើយក៏មិនមានការភ័យខ្លាចសម្រាប់ការប្រកួតឡើយនៅចំណុចទាំងអស់នេះលោកតែងតែបានផ្តល់ការលើកទឹកចិត្តការបណ្តុះឆន្ទៈជូនដល់កីឡាករកីឡាការិនីជម្រើសជាតិកម្ពុជាឲ្យកាន់តែមានស្មារតីមុះមុតបន្ថែមទៀត។
